დღეს ქართული საფეხბურთო ლეგიონის ერთმა ნაწილმა სხვადსხვა ლოკალურ საკლუბო ტურნირზე იასპარეზა. თუმცა, ვიდრე მათ შესახებ გიამბოთ, ვერ ავუვლით მატჩს, რომელიც ქართველი ფეხბურთელის გიორგი ნემსაძის ხსოვნისადმი მიძღვნილი წუთიერი აქციით დაიწყო. „დანდისა" და „კილმარნოკის" მატჩის დაწყებამდე,  გუნდები მოედნის ცენტრში რკალზე გამაგრდნენ, „დანდის" ფეხბურთელები კი, შავი სამკლავურებით გამოვიდნენ, თუმცა, როგორც წესი, უფრო ზუსტად, როგორც ხშირად ხდება, სტადიონი არ გარინდულა. „ნემსას" ხსოვნას სავსე სტადიონი მქუხარე აპლოდისმენტით შეეგება - გულშემატკივრის ასეთი სიყვარული, ალბათ ნებისმიერი სპორტსმენისთვის ყველაზე დიდი დაფასებაა.

ქართულმა ლეგიონმა კი, ძირითადად სათასო შეხვედრებში მიიღო მონაწილეობა. ინგლისში, EFL თასის  1/8 ფინალში გიორგი მამარდაშვილის „ლივერპულმა", „ენფილდზე" „ჩელსის" უმასპინძლა და პენალტების სერიაში დაამარცხა. თუმცა, მთლიანად მატჩს, შეგვიძლია პენალტების მატჩიც ვუწოდოთ, რადგან ამ შეხვედრაში, თამაშშიც, გოლები პენალტებიდან გავიდა. საკმაოდ დუნე, ტაქტიკური, მომენტების მხრივ ღარიბი პირველი ტაიმი, რაც ალბათ, უფრო ორივე გუნდში შემადგენლობის როტაციიდან იყო განპირობებული, ალბათ, ასე მშრალად დასრულდებოდა, რომ არა ბოლო 5 წუთი, როდესაც დაახლოებით, სამწუთიან მონაკვეთში ჯერ ერთ, „ლივერპულის", ხოლო შემდეგ მეორე - „ჩელსის" კარში პენალტები დაინიშნა და ტაიმი 1-1 დასრულდა. მატჩის ფორმატიდან გამომდინარე უკვე ნათელი იყო, რომ თუ საქმე და გამარჯვებულის გამოსავლენად „საფეხბურთო ლატარეა" ჩატარდებოდა, ორივე გუნდი მზად იყო, ბოლო წვეთამდე ებრძოლა. მათ შორის ქართველი მეკარე, რომელსაც განსხვავებით პირველი ტაიმიდან, მეორეში სამი გემრიელი სეივი ჰქონდა. მატჩის ძირითადი დრო კი, ფრედ, 1-1 დასრულდა და შესაბამისად დაინიშნა პენალტები. სხვათა შორის, „მამარდამ" მეორე  11-მეტრიანის კუთხე გამოიცნო, თუმცა, მის მოსაგერიებლად ცოტა დააკლდა. საბოლოოდ, ქართველმა, მოახერხა უესლი ფოფანას დარტყმის მოგერიება და „ლივერპული" გათამაშების მომდევნო ეტაპზე დატოვა. გიორგიმ რომელმაც სასტარტოდან დაიწყო და სრული მატჩი ჩაატარა. ქართველმა ძალიან მაღალი შეფასება მიიღო, მაგრამ... საბოლოოდ, ინგლისურმა სხვადასხვა ინგლისურმა საიტმა საუკეთესოს წოდება ორ სხვა ჯო გომესსა და რონალდ არაუხოს მიაკუთვნა. რას ვიზამთ, ნელ-ნელა ჩვენც ვეგუებით მსგავს „სამართლიანობას", თუმცა, პატარა ქვეყნების ხვედრი ესაა. ჩვენთვის კი, მთავარია, რომ სათამაშო დროის სიმცირის მიუხედავადაც, „მამარდა" ფორმაშია და ჩვენ სადაც დაგვჭირდება, იქ იქნება საიმედო და იმდენ პენალტს მოიგერიებს, რამდენიც ჩვენ დაგვჭირდება.

დრო კი მალე გადის და მეორე, თან გადამწყვეტი სანაკრებო ფანჯარა, გადამწყვეტი ორი თამაშით ახლოვდება, სადაც რამაზ სვანაძეს არ ეყოლება ხვიჩა კვარაცხელია, ოთარ კიტეიშვილი და გიზი მამაგეიშვილი. „სვანა" სერიოზული დილემის წინ დგას. ამრიგად, ქართველი მწვრთნელი ყველა თამაშს აკონტროლებს და ალბათ, თავშიც ბევრ რამეს ხარშავს.

ამასობაში,  მაასტრიხტის „დე გეუსელტის" სტადიონზე, ნიდერლანდების KNVB თასის 1/32 ფინალში საქართველოს ეროვნული ნაკრების ფეხბურთელის, ირაკლი იეღოიანის გუნდმა „ექსლესიორმა" ადგილობრივი „მაასტრიხტი" 0-3 დაამარცხა და გათამაშების მომდევნო ეტაპზე გავიდა. ირაკლის სასტარტოდან დაიწყო და სრული შეხვედრა ჩაატარა. უფრო ზუსტად ის, 90-ე წუთზე შეცვალეს. ანგარიში კი, ჩვენიანმა, მე-15 წუთზე გახსნა, მე-60 წუთზე, პენალტიც გაიტანა და დუბლი გაიფორმა. რაც ყველაზე მთავარია, ირაკლიმ სტაბილურად კარად ითამაშა და სტაბილურად მაღალი შეფასებაც მიიღო. ზოგადად, ნიდერლანდებში მიმდინარე 2026-2027 წლების სეზონში ირაკლის 11 შეხვედრაში, 5 გოლი და 5 საგოლე გადაცემა დაუგროვდა.

27 და 28 ოქტომბერს გაიმართა გერმანიის DFB თასის 1/16 ფინალები, რომლის დასრულების შემდეგ, მომდევნო ეტაპზე ლუკა ლოჩოშვილის და გიორგი ქვილითაიას გუნდები აგრძელებენ ასპარეზობას.

ლუკა ლოჩოშვილის „კიოლნმა" დიდი ანგარიშით, 5-0 დაამარცხა „უნიონ ბერლინი". ტრადიციულად მწვრთნელებმა სათასო შეხვედრებისთვის დამახასიათებელი როტაცია, აქაც გამოიყენეს. ქართველი განაცხადში იყო, თუმცა, მას არ უთამაშია. „კიოლნი" გათამაშების მომდევნო ეტაპზეა.

გათამაშების მომდევნო ეტაპზეა გიორგი ქვილითაიას „ჰოლშტაინ კილიც", რომელმაც პენალტების სერიაში მოახერხა „ჰოფენჰაიმის" დამარცხება. თამაშის ძირითადი დრო, რომელშიც ქართველი 90-ე (!) წუთზე შემოიყვანეს ფრედ, 1-1 დასრულდა. პენალტების სერიაში კი, სადაც პირველი დარტყმა ქვილითამ გააცუდა, საბოლოოდ მისი გუნდის გამარჯვებით, 4-3 დასრულდა.

და ბოლოს, რადგან სათასო თემას შევეხეთ, აქვე გეტყვით, რომ მეზობელი აზერბაიჯანის თასის გათამაშების მომდევნო ეტაპზე გავიდნენ „ზირა" (დავით ვოლკოვი, გიორგი პაპუნაშვილი), „შამახი" (თორნიკე ახვლედიანი) და „კაპაზი" (მათე აბულაძე). თუ ვინმეს, კითხვა გაუჩნდა, ტოპ-ჩემპიონატებთან და შესაბამისად, სათასო გათამაშებასთანაც სად მოვა მეზობელი ქვეყანაო, მარტივად გეტყვით - დაახლოებით ერთ თვეში, 25 ნოემბერს, ბაქოში, უეფა-ს ჩემპიონთა ლიგის მორიგი, მე-5 ტურის მატჩის გასამართად, „ბარსელონა" ჩადის და „საბაჰს" დაუპირისპირდება.

ამასობაში, იტალიის სერია A-ში ქართველების მონაწილეობით ორი მატჩი გაიმართა. საბა გოგლიჩიძის „მონცა" დიდი ანგარიშით 1-4 დამარცხდა „ნაპოლისთან". ქართველმა მე-8 წუთზე ყვითელი ბარათი მიიღო, ამის შემდგე, მასპინძლებს  რასმუს ჰოილუნდიმ გაუტანა და მე-10 წუთზე დააწინაურა. მონცელებმა, მხოლოდ ტაიმის მიწურულს მოახერხეს ანგარიშს გათანაბრება. აი, მეორე ტაიმი კი, ქართველის გარეშე დაიწყეს. ტაიმის სტარტზევე გოლი გაუშვეს და საბოლოოდ, 1-4 დამარცხდნენ. პირველი ტაიმითაც კი, ქართველს საკმაოდ მაღალი შეფასება ჰქონდა, მისი გუნდი კი, 7 ქულით, მე-16 ადგილზეა.

მშრალი ფრე, 0-0 დაფიქსირდა „პარმასა" და „უდინეზეს" შეხვედრაში, რომელშიც სტუმართა რიგებში სასტარტო შემადგენლობიდან დაიწყო თამაში გიორგი ჩაკვეტაძემ. ქართველი 83-ე წუთზე შეცვალეს, თუმცა, მანამდე გუნდისთვის საკმაოდ გაისარჯა და საბოლოოდ, პასების სიზუსტის 89%-ით გამოირჩა. მისი გუნდი, 9 ტურის შემდეგ, 5 ქულით მე-17 ადგილზეა და მხოლოდ, ერთი  ადგილით ჩამორჩება გოგლიჩიძის გუნდს.

აქვე გეტყვით, რომ ტური ხვალ, უფრო ზუსტად, უკვე დღეს 29 ოქტომბერს დასრულდება და ამ დღეს, გიორგი კვერნაძის „ფროზინონე", თბილისის დროით 21:30 საათზე, „ლეჩეს" უმასპინძლებს.