ვიდრე ევროტურნირები დაიწყება და ჩვენც ქართული კლუბის „იბერია 1999"-ის თამაშზე და ევროპულ კლუბების ბედ-იღბალზე ვინერვიულებთ, სადაც ჩვენები თამაშობენ და ასეთი უეფა-ს ევროპულ თასებზე ბევრია, ქართული ლეგიონის დღევანდელ 12 ოქტომბერს გადავხედოთ.

იტალიის სერია A-ში გიორგი ჩაკვეტაძის „უდინეზე" გასვლაზე „ტორინოს" ეთამაშა და 2-1 დამარცხდა. „ჩაკვემ" სრული შეხვედრა ჩაატარა და საკმაოდ მაღალი შეფასება, ათბალიანი სისტემიდან 6.5 ქულა დაიმსახურა. ეს შეფასება გიორგი იტალიურმა გამოცემამ Eurosport Italia-მ თამაშის დასრულების შემდეგ მისცა და სხვათა შორის ყველაზე მაღალი, იტალიური მხარიდან - „ქართველმა კარგად ითამაშა, განსაკუთრებით პირველ ტაიმში. მატჩის დასაწყისში პირველი მომენტი სწორედ მას ჰქონდა. შემდეგ  გადაადგილდებოდა თავისუფლად, ტექნიკურად კარგად მანევრირებდა, თუმცა, მეორე ტაიმში მისი ტემპი დაეცა", - წერს გამოცემა. ზოგადად, იტალიური მედია აღნიშნავდა, რომ ქართველს „ცრუ ცხრიანად" ათამაშეს და მან, არც თუ ცუდად გაართვა ამ დავალებას თავი. „ჩაკვემ" სრული მატჩი ჩაატარა, მისი გუნდი კი, 6 ტურის შემდეგ, 4 ქულით, მე-15 ადგილზეა.  

ესპანური ლა ლიგის მე-8 ტურში გიორგი ქოჩორაშვილი თავის მშობლიურ ვალენსიას და ესტადი სიუტატ დე ვალენსიას ესტუმრა. ამჯერად, ამ სტადიონის გმირი, „ლევანტეს" წინააღმდეგ, „სევილიას" ფორმით თამაშობდა, თუმცა, ქართველი მაინც თბილად მიიღეს. რაც შეეხება თამაშს, ის საკმაოდ უხვგოლიანი და დაძაბული გამოდგა. იყო ბევრი ყვითელი ბარათი ნაჩვენები, ერთი წითელი, თამაშის მიწურულს - მსაჯის მიერ კომპენსირებული დროის მე-6 წუთზე, რომლის შემდეგაც, ამავე კომპენსირებული დროის მე-10 წუთზე მასპინძლებმა მოახერხეს გათანაბრება და ერთი ქულის გადარჩენა. თამაში კი, ფრედ, 3-3 დასრულდა. რაც შეეხება გიორგის, ქართველმა სასტარტო შემადგენლობიდან დაიწყო და ის, 88-ე წუთზე შეცვალეს, როცა მისი „სევილია" 1-2-ს იგებდა. როგორც ხედავთ, ამ შეხვედრაში სამი გოლი სწორედ „ქოჩორას" გასვლის შემდეგ გავიდა. 8 ტურის შემდეგ, „სევილია" 14 ქულით მე-8 ადგილზეა. 

საფრანგეთის ლიგა 2-ის მე-8 ტურში გიორგი აბუაშვილი „მეცი" გასვლაზე „დიჟონისთან" 4-2 დამარცხდა. ქართველმა სასტარტო შემადგენლობიდან დაიწყო და ის 66-ე წუთზე შეცვალეს. ამ დროისთვის ანგარიში 3-1 იყო მასპინძელთა სასარგებლოდ. რვა ტურის შემდეგ, „მეცი" 10 ქულით, მხოლოდ მე-10 ადგილზეა.