საქართველოს 20-წლამდე წყალბურთელთა ნაკრები, პორტუგალიაში მიმდინარე ევროპის ჩემპიონატის I დივიზიონში, ხვალ V ადგილისთვის იბრძოლებს. დღევანდელ შეხვედრაში, ჩვენმა გუნდმა საკმაოდ მარტივად 7-17 (იხილეთ მატჩის ჩანაწერი) სძლია ნეიტრალური ქვეყნის სტატუსით (ბელარუსი) მოასპარეზე ნაკრებს.

ქართველმა წყალბურთელებმა ყველა მეოთხედი მოიგეს, 1-2, 4-5, 0-3, 2-7. თუმცა, როგორც მატჩის მსვლელობიდან ჩანს, გარდამტეხი უპირატესობა მესამე პერიოდში შეძლეს, როდესაც მეტოქეს მონაკვეთი მშრალად მოუგეს და გადამწყვეტი პერიოდის წინ ხუთბურთიანი უპირატესობით დაწინაურდნენ.

ქართული გუნდიდან, დღევანდელ შეხვედრაში, ყველაზე შედეგიანი ლადო რამინიშვილი იყო, რომელმაც 4 გოლი გაიტანა. ორ-ორი გოლი გაიტანეს სანდო იობიძემ, ივა ჭუბაბრია, ნიკოლოზ ყურაშვილი და დავითი ლანდიამ; თითო გოლი - გიორგი ვეშაგურმა, ნიკოლოზ დადა გიორგობიანმა, ლაშა გიორგი ხუციანიძემ, ლუკა ხურცილავამ და ლუკა რუბაშვილიმა.

აქვე გეტყვით, რომ ხვალ, ტურნირის დასკვნით დღეს, ჩვენი ნაკრები უკრაინასა და პორტუგალიას შორის გამარჯვებულს შეხვდება. შეგახსენებთ, რომ ჯგუფურ ეტაპზე საქართველოს 20-წლამდე ნაკრებს უკვე ჰქონდა სპარინგი პორტუგალიასთან, რომელშიც 20-11 გაიმარჯვა. თუმცა, ამგარიშში სხვაობის მიუხედავად, თუკი, კვლავ ტურნირის მასპინძლებთან მოგვიწევს თამაში, ქართულ გუნდს დიდი ბრძოლა ელის.

ფოტო: ფოტო: (c) euro.waterpolo