ზურაბ ხიზანიშვილის 19-წლამდე ნაკრები 3-9 ივნისს, ევროპის ჩემპიონატის შესარჩევ ციკლში იასპარეზებს. ჯგუფურ ეტაპზე, რომელიც მინი-ტურნირის სახით თბილისში გაიმართება  ჩვენი გუნდი მონტენეგროსა და ისლანდიის ნაკრებებს დაუპირისპირდება.  ჯგუფური ეტაპის თამაშები „პეტრო არენაზე" გაიმართება და 19:00 საათზე დაიწყება.

3 ივნისი / საქართველო - მონტენეგრო

6 ივნისი / ისლანდია - მონტენეგრო

9 ივნისი / საქართველო - ისლანდია

შეგახსენებთ, რომ 19-წლამდეთა ევროპის ჩემპიონატის საკვალიფიკაციო ეტაპი ახალი ფორმატით ტარდება. პირველი რაუნდის შემდეგ, გათამაშებაში მონაწილე ნაკრებები A და B ლიგებად დაიყოფიან. A ლიგაში ჯგუფის გამარჯვებული 7 გუნდი ფინალში გავა, მათ, ტურნირის მასპინძელი ქვეყანა დაემატება.  საქართველოს 19-წლამდებს მინი-ტურნირის თამაში სახლში მოუწევთ მონტენეგროსა და ისლანდიის ნაკრებების წინააღმდეგ.

ხიზანიშვილის გუნდი, 29 მაისიდან შეკრებაზეა და აღნიშნული თამაშებისთვის 19 ფეხბურთელის შემადგენლობით ემზადება. მათ შორის არიან:  მეკარეები: დაჩი ჩოჩოშვილი („დინამო თბილისი"), საბა ასანიძე („ლოკომოტივი" თბილისი); მცველები: საბა მარსაგიშვილი („იბერია 1999"), შოთიკო დიაკონიძე („დინამო თბილისი"), ანდრია ნიჟარაძე („დინამო თბილისი"), მათე შათირიშვილი („სამგურალი", წყალტუბო), გიორგი ლომიძე („დინამო თბილისი"), ლუკა კუპრავა („ტორპედო", ქუთაისი); ნახევარმცველები: ლუკა ციკოლია („დინამო თბილისი"), საბა ავდოევი („იბერია 1999"), ნიკოლოზ შალიკიანი („იბერია 1999"), კობა კაკაშვილი („დინამო თბილისი"), ანდრია ბართიშვილი („იბერია 1999"), თენგო ნებულიშვილი („იბერია 1999"), საბა ჩხეტიანი („სამგურალი", წყალტუბო), ნიკოლოზ ბარიხაშვილი-შეყლაშვილი („ოსასუნა", ესპანეთი); თავდამსხმელები: ნიკოლოზ სილაკაძე (დინამო თბილისი), დავით მელაშვილი (ლოკომოტივი თბილისი), სანდრო მიქაუტაძე (დინამო თბილისი).