2 ივნისს მიხელ მესხზე მისული ქომაგი სანაკრებო ფეხბურთიდან გურამ კაშიას გააცილებს. ჩვენი ეროვნული ნაკრები ვეტერანი ფეხბურთელი ამ დღეს, ეროვნული ნაკრების მაისურს 129-ე მატჩს გამართავს. ეროვნული ნაკრების ერთ-ერთი სახასიათო კაპიტნის 17-წლიანი სანაკრებო კარიერის დასრულებამდე, „კაშოზე" დღეს, მცირე კომენტარი ეროვნული ნაკრების მთავარმა მწვრთნელმა, ვილი სანიოლმა და სფფ-ის ვიცე-პრეზიდენტმა ალექსანდრე იაშვილმა გააკეთეს.

„თუ გურამ კაშიას ყველა დადებით თვისებაზე დავიწყებ საუბარს, ალბათ, მთელ საღამოს აქ გავატარებთ. რთულია იმის აღწერა, რა გავლენა ჰქონდა მას გუნდზე, ფეხბურთელებზე და მთლიანად ქართულ ფეხბურთზე. ჩემთვის ის გამორჩეული კაპიტანი და, პირველ რიგში, შესანიშნავი ადამიანია. მიყვარს ის არა მხოლოდ როგორც კაპიტანი, არამედ როგორც პიროვნება. მასთან მუშაობა უდიდესი სიამოვნება იყო და ჩემი კარი მისთვის ყოველთვის ღია იქნება", - ამბობს ვილი.

ქართული ფეხბურთის მოყვარულებს შევახსენებთ, რომ მარტში, როდესაც კაშიამ სანაკრებო კარიერის დასრულების თაობაზე განცხადება გააკეთა, ფეხბურთელმა ისიც თქვა, რომ ის აუცილებლად ფეხბურთში დარჩებოდა და სხვა ამპლუაში (მენეჯერული) სცდიდა თავის ძალებს. „კაშოს" გამოსამშვიდობებელ მატჩზე დასასწრები ბილეთები ჯერ კიდევ გაყიდვაშია. თამაში, შეგახსენებთ, 2 ივნისს, სამშაბათს, თბილისის დროით 21:00 საათზე დაიწყება.

„2 ივნისს გურამ კაშია ეროვნული ნაკრების შემადგენლობაში ბოლო მატჩს გამართავს", ამბობს ალექსანდერ იაშვილი, რომელიც მოგვიანებით, ივნისის ამხანაგური მატჩების თაობაზეც აკეთებს კომენტარს.

„ძალიან მნიშვნელოვანი იყო, რომ ძლიერი მეტოქე გვყოლოდა და თბილისში გვეთამაშა. ასევე, აუცილებელი იყო მეორე შეხვედრაც თბილისში ჩაგვეტარებინა, რადგან ხანგრძლივი სეზონის შემდეგ გუნდს ნაკლები ემგზავრა. მნიშვნელოვანია, ორივე მატჩში წარმატების მიღწევა, რადგან სექტემბრის ოფიციალურ შეხვედრებს თავდაჯერებულად შევხვდეთ. კონცენტრირებულები ვართ მოახლოებულ ამხანაგურ მატჩებზე და ერთა ლიგისთვის მზადებაზე. თავიდანვე აღვნიშნეთ, რომ რთულ ჯგუფში ვართ, თუმცა ჩვენი მიზანია ამ ჯგუფში გავიმარჯვოთ", - ამბობს იაშვილი.

გურამ კაშიას თემას ჩვენ ივნისის დასაწყისში მივუბრუნდებით, როდესაც უშუალოდ, რუმინეთთან მატჩის წინა პრეს-კონფერენცია გაიმართება. ვერ გეტყვით, კონკრეტულად იმ დღეს თუ მოგვეცემა „კაშოსთვის" ბევრი კითხვის დასმის საშუალება, თუმცა, ჩვენი ვებ-გვერდი ეცდება ფეხბურთელთან უფრო ვრცელი ინტერვიუც ჩაწეროს.