წყალბურთში, მსოფლიო თასის დაწყებამდე საქართველოს ეროვნული ნაკრები მოსამზადებელი ეტაპის ფარგლებში ხვალიდან 5 აპრილის ჩათვლის საერთაშორისო ტურნირში Danube Cup-ში მიიღებს მონაწილეობას. საქართველოს საწყლოსნო სპორტის სახეობები ფედერაციის ინფორმაციით, ეს იქნება ბოლო მოსამზადებელი პერიოდი.

სამი დღის მანძილზე საქართველოს წყალბურთის ეროვნული ნაკრები  სამ ამხანაგურ შეხვედრას გამართავს:

3 აპრილი, 19:15 საათი / კანადა - საქართველო

4 აპრილი, 19:15  საათი / საქართველოს - ავსტრალია

5 აპრილი, 13:45 საათი / სლოვაკეთი - საქართველო

შეგახსენებთ, რომ 7 აპრილიდან საქართველოს ნაკრები მსოფლიო თასის მეორე დივიზიონის გათამაშებაში  დაიწყებს ასპარეზობას. აქვე შეგახსენებთ, რომ საქართველოს ნაკრებს უახლოეს მატჩებში, ქართველი სპეციალისტი რევაზ ჩომახიძე უხელმძღვანელებს.

მსოფლიო თასთან დაკავშირებული ინფორმაცია იხილეთ ბმულზე.

ფოტო: საწყლოსნო სახეობების ფედერაცია