ოთხი გაორებული წონა, ტატო გრიგალაშვილის წილის პირველი მცდელობა, თანაც სხვა წონაში და რეალურად, ბოლო მოსამზადებელი ტურნირი თბილისის გრან სლემის წინ. ქართველი ჯუდოკები 6-8 მარტის ჩათვლით, IJF-ის მსოფლიო ტურის მორიგ შეჯიბრზე, ზემო ავსტრიის გრან პრიზე მიიღებენ მონაწილეობას.

ჩვენი გუნდი, 7 წონით კატეგორიაში (ბიჭებში 6 და ერთი გოგონები) 11 სპორტსმენით მიიღებს მონაწილეობას. ხსენებული გრიგალაშვილის გარდა, ზემო ავსტრიის გრან პრიზე ქართული გუნდი, საკმაოდ ცნობადი და პოპულარული ჯუდოკებით არის დაკომპლექტებული:

-66 კგ  თორნიკე გიგაური,  ვაჟა მარგველაშვილი

-73 კგ ლაშა შავდათუაშვილი, გიორგი ტერაშვილი

-81 კგ ზაურ დვალაშვილი

-90 კგ ტატო გრიგალაშვილი,  ლუკა ჯავახიშვილი

-100 კგ ილია სულამანიძე

+100 კგ ირაკლი დემეტრაშვილი,  გურამ თუშიშვილი

+78 კგ სოფიო სომხიშვილი

შეგახსენებთ, რომ 2026 წელს ჩატარებული IJF-ის მსოფლიო ტურის ეგიდით გამართულ შეჯიბრებში, ქართველი ჯუდოკების ანგარიშზე, მხოლოდ ერთი, ვერცხლის მედალია, რომელიც ლაშა ბექაურმა რამდენიმე დღის წინ ტაშკენტში მოიგო.