უნგრულ „სეგედთან" ჩემპიონთა ლიგის ჯგუფური ეტაპის მეცხრე ტურში „ზაგრებს" და გიორგი ცხოვრებაძეს ახალი მწვრთნელი, ნენად შოშტარიჩი გაუძღვა, მაგრამ ხორვატი დამრიგებლისთვის დებიუტი წარუმატებელი გამოდგა.

"ზაგრები", რომელსაც B ჯგუფში ცხრიდან ცხრა წაგება აქვს, რთულ მდგომარეობაშია. ერთადერთ გუნდად რჩება, რომლის ქულათა გრაფაში ნულია.

სტუმრად, „პიკ არენაზე", ხორვატთა უძლიერესი კლუბი 26-32 (16-16) დამარცხდა. შოშტარიჩმა მოედანზე უხმო "ზაგრების" 11 ნომერს, გიორგი ცხოვრებაძესაც, მაგრამ ქართველი ლეგიონერის მონაგარი მხოლოდ ორ ასისტში აისახა.

"ზაგრები" ჩემპიონთა ლიგის მომდევნო შეხვედრას 3 დეკემბერს ჩაატარებს, საკუთარ კედლებში მიიღებს მიმდინარე გათამაშების ერთ-ერთ აუტსაიდერს, ჩრდილოეთ მაკედონიის "პელისტერს".