დღეს ქართულმა საფეხბურთო ლეგიონის კიდევ ერთმა ნაწილმა უეფა-ს ორ ევროტურნირზე მიიღო მონაწილეობა. უპირველესად, ალბათ, რაც აღსანიშნი, ისაა რომ ოთარ კიტეიშვილმა, გაბრიელ სიგუამ, ანრი მექვაბიშვილიმა, ირაკლი აზაროვმა და გურამ კაშიამ, ყველამ ძირითადი შემადგენლობიდან დაიწყო თამაში. თუმცა, დავიწყოთ შეხვედრით, რომელიც ათენში ჩატარდა და სადაც ქართველმა, ჩვენი მოსაზრებით ტურის ულამაზესი თუ არა ერთ-ერთი ლამაზი გოლი გაიტანა.

უეფა-ს ევროპა ლიგაზე გრაცის „შტურმი" ათენში „პანათინაიკოსთან" 2-1 დამარცხდა. თუმცა, გრაცელთა ქართველი ლეგიონერი, რომელმაც საკუთარ გუნდში უმაღლესი შეფასება მიიღო, 73-ე წუთზე მაინც შეცვალეს. ეს კი,  მიუხედავად იმისა, რომ იმ დროის მანძილზე, რაც „კიტემ" მინდორზე გაატარა საკმაოდ აქტიური იყო. ოთარ კიტეიშვილმა, 34-ე წუთზე შორეული დარტყმით ულამაზესი გოლი გაიტანა და ანგარიში გაათანაბრა. ქართველის შეცვლის მომენტში ანგარიში კვლავ საყაიმო იყო, თუმცა, მისი მოედნიდან გასვლისთანავე, 74-ე წუთზე ბერძნული კლუბიდან დავიდე კალაბრიამ გაიტანა და მასპინძელ გუნდს, მნიშვნელოვანი გამარჯვება მოუტანა.

უეფა-ს ევროპის კონფერენს ლიგაზე გურამ კაშიასა და ჩვენი ეროვნული ნაკრების ყოფილი მწვრთნელის, ვლადიმირ ვაისის ბრატისლავის „სლოვანმა", „რაიო-ვალეკანო" 2-1 დაამარცხა. „კაშომ" ძირითადი შემადგენლობიდან დაიწყო და შეუცვლელად ითამაშა. ამასთან ქართველმა ორივე გუნდში უმაღლესი შეფასება მიიღო და ორ გოლთანაც ახლოს იყო. თუმცა, თუკი, პირველ ტაიმში თავით დარტყმული არ გავიდა, მეორე ტაიმში, 49-ე წუთზე შვილი ვაისის გადაცემის შემდეგ, ქართველმა გაიტანა და ანგარიში გაათანაბრა. ამ მომენტიდან მალევე, „სლოვანმა" მეორე გოლიც გაიტანა და დაწინაურდა. 52-ე წუთის შემდეგ, შეხვედრაში გოლი აღარ გასულა. „სლოვანმა" 2-1 გაიმარჯვა და  4 ტურის შემდეგ, ამ პირველი მოგების წყალობით, 29-ე ადგილზე არიან.

„თავს კარგად ვგრძნობ. ჩვენ გვჭირდებოდა დღევანდელი მოგები, მითუმეტეს, როდესაც მოწინააღმდეგე ასეთი ძლიერია. დიდებული თამაში იყო, განსაკუთრებით ჩვენი გულშემატკივრისთვის და ჩვენ, ამით, ნაღდად ვისიამოვნეთ. ზოგჯერ, სეზონში ერთხელ ასეთი გოლებიც გამაქვს. მიხარია, რომ ეს გოლი გამარჯვებისთვის მნიშვნელოვანი იყო. მართლა კარგი გრძნობაა, როცა ჩემს ასაკში გოლის გატანას ვახერხებ", - პასუხობს გურამ კაშია ინტერვიუერს, რომელმაც კაშიას გადაწყვეტილება უფრო ფორვარდისა იყო, ვიდრე მცველის.

საშუალო დონის თამაში გამოუვიდა გაბრიელ სიგუას, რომელიც მცირე ტრავმის (ამ მიზეზით ქართველს ნოემბრის სანაკრებო შეკრების გაცდენა მოუხდა) შემდეგ, უეფა-ს კონფერენს ლიგის მე-4 ტურში, „ლოზანას" სასტარტო შემადგელობაში გამოჩნდა და პოზნანში, ადგილობრივ „ლეხთან" შეხვედრაში, მინდორზე 70 წუთი გაატარა. საბოლოოდ, ქართველის გუნდი 2-0 დამარცხდა. გოლები კი, 67-ე წუთზე ტაოფეკ ისმაჰილი, მსაჯის მიერ კომპენსირებულ დროში კი,იანიკ აგნერომ გაიტანა. ოთხი ტურის შემდეგ, „ლოზანას" 7 ქულა აქვს და მე-13 ადგილზეა.  

საშუალო თამაში ჰქონდა, უეფა-ს კონფერენს ლიგის ამ ტურში ანრი მექვაბიშვილს, რომელმაც სხვა ქართველი ფეხბურთელების მსგავსად, დღევანდელ შეხვედრაში, საკუთარ სტადიონზე, „მაინცთან" სასტარტო შემადგენლობიდან დაიწყო და მხოლოდ, მსაჯის მიერ თამაშისთვის კომპენსირებული დროის მე-4 წუთზე შეცვალეს. ქართველის გუნდმა, გამარჯვების გოლი, 67-ე წუთზე 11-მეტრიანით გაიტანა და მინიმალური ანგარიშით, 1-0 გაიმარჯვა. ოთხი ტურის შემდეგ, „უნივერსიტატია კრაიოვა", 7 ქულით, მე-15 ადგილს იკავებს.

ამავე ტურში, ირაკლი აზაროვის „შახტარმა" სტუმრად, დუბლინური „შემროკი" 1-2 დაამარცხა. აზაროვმა სასტარტო შემადგენლობიდან დაიწყო და მინდორზე, 74 წუთი გაატარა. „აზარამ", ისევე როგორც მის მიერ ჩატარებულ ბოლო შეხვედრებშიც, ამჯერადაც კარგი შთაბეჭდილება დატოვა და საკმაოდ მაღალი შეფასებაც მოიგო. რაც შეეხება „შახტარს", დღევანდელი გამარჯვების შემდეგ, უკრაინულმა გუნდმა, სატურნირო ცხრილში, 9 ქულით, მეოთხე ადგილზეა.

დღეს, უეფა-ს ევროპა ლიგაზე კიდევ ერთი ქართველის, ლუკა გუგეშაშვილის „პაოკმაც" ითამაშა და „ბრანთან", ქულები გაიყო. მატჩი ფრედ, 1-1 დასრულდა. თუმცა, მოეხსენებათ, რომ „გუგეშა", რომელსაც ისედაც არ უწევს ბევრი თამაში, ევროტურნირზე,  რეგისტრაციის მიღმაა.