რამდენიმე წუთის წინ ბარსელონაში, Palau Blaugrana-ზე „ბარსელონამ" ევროლიგის მე-13 ტურში, ფრანგული „ვილერბანი" ათი ქულის სხვაობით, 88-78 დაამარცხა. საქართველოს ეროვნული ნაკრების კაპიტანმა, რომელიც ხვალ დილით, თბილისში, უკვე სანაკრებო მატჩში მონაწილეობის მისაღებად თბილისში გამოემგზავრება, პირველ მეოთხედში, წარუმატებელი სტარტის შემდეგ, „ბარსას" თამაშში დაბრუნების საშუალება მისცა - სწორედ თოკოს საჯარიმოების შემდეგ, კატალონიელებმა პირველი მეოთხედის დასრულებამდე 02:46 წუთით ადრე, გაათანაბრეს 12-12. თუმცა, შენგელიას მცდელობების მიუხედავად, მონაკვეთის დასრულებამდე მაინც გვარიანად ინერვიულეს. საბოლოოდ კი, პირველი მეოთხედი 1 ქულით, 20-19 მოიგეს.

მეორე მეოთხედის შუაწელამდე, საქართველოს ნაკრების კაპიტანი, მარგი ქმედების კოეფიციენტის მიხედვით, რომელიც 12-14 % შორის მერყეობდა, საუკეთესო იყო „ბარსელონას" რიგებიდან. თუმცა, საბოლოოდ, პირველ ტაიმში პარკეტზე მხოლოდ 11:56 დაჰყო. ამ დროში, თოკოს ანგარიშზე 11 ქულა იყო. სხვათა შორის, მეორე მეოთხედი ფრედ, 25-25 დასრულდა, შესაბამისად, დიდი შესვენების დროს, „ბარსას" ერთქულიანი უპირატესობა შენარჩუნდა.   

მესამე მეოთხეში შენგელიამ დაიწყო თამაში, თუმცა, მალევე მესამე ფოლი მიიღო და დროებით სკამზე გადაინაცვლა. ისე, რაღა დაგიმალოთ და პირველად მინდოდა, რომ თოკოს ცოტა სათამაშო დრო ჰქონოდა, რადგან ხვალ თბილისში ჯანმრთელი ჩამოსულიყო. ეს მეოთხედი მასპინძლებმა 23-21 მოიგეს და ბოლო მონაკვეთს, 3 ქულის უპირატესობით შეხვდნენ. ბოლო, მეოთხე მეოთხეში, თოკო მოედანზე მატჩის დასრულებამდე, 07:34 ადრე შემოვიდა. საბოლოოდ, კაპიტანმა 21:10 წუთი დაჰყო, რა დროშიც 15 ქულა, 6 მოხსნა, 4 ასისტი ჩაიწერა. აქვე გეტყვით, რომ ქართველთა კაპიტანმა სასტარტო ხუთეულიდან დაიწყო.

ახლა, თოკო ცოტას დაისვენებს და დილით თბილისში გამოემგზავრება. უკვე დღეს, 27 ნოემბერს ის, ნაკრებს, თბილისის დროით დაახლოებით 16:00 საათისთვის  „ქორთიარდ მერიოტში" შეიუერთდება და მოგვიანებით თბილისი არენაზე მოვა, სადაც 21:00 საათზე საქართველოს ეროვნული ნაკრები, მსოფლისო ჩემპიონატის გახსნით საკვალიფიკაციო შეხვედრაში, უკრაინის ნაკრებს დაუპირისპირდება.

ფოტო: © fcbarcelona.es