გუშინ და დღეს, საქართველოს საფეხბურთო ჩემპიონატის 23-ე ტური გაიმართა. სანაკრებო შესვენების წინა ამ ტურმა, სატურნირო ცხრილის ზედა ნაწილში დიდი ცვლილებები არ გამოიწვია. გათამაშებას, კვლავინდებურად თბილისის „იბერია 1999"-ი ლიდერობს, რომელმაც 23-ე წუთზე, მოწინააღმდეგის რიგებიდან გაგდებული ფეხბურთელისა და მეტობის ხარჯზე, მოახერხა წყალტუბოში ადგილობრივი „სამგურალის" დამარცხება. მეტობაში მყოფმა თბილისელებმა, გოლი 49-ე წუთზე გაიტანეს. „იბერია 1999"-ს გოლი ნიკა დადიანმა გაუტანა და 0-1 მოიგო.

მშრალ და ცხელ ამინდში, მშრალად ფრედ, 0-0 დასრულდა შეხვედრა თბილისში, პეტრო არენაზე, სადაც სანაკრებო თამაშების მოლოდინში მყოფი „დინამო არენის" ნაცვლად, საშინაო შეხვედრა ჩაატარა საქართველოს ყველაზე ტიტულოვანმა გუნდმა. „დინამო თბილისმა" რომელსაც დისციპლინარული სანქციის გამო, ოთხი ფეხბურთელი (მათ შორის ჯაბა კანკავა, რომელიც „თელავთან" შეხვედრაში, უბრალოდ ჯაბა კანკავობის გამო დასაჯეს მსაჯებმა), ვერ მოახერხა „გარეჯის" დამარცხება.  დინამოელებმა ქულა აიღეს და სტატუს-კვოც შეინარჩუნეს, თუმცა, ორმაგი სტანდარტის ტენდენცია შეინარჩუნა ქართულ ჩემპიონატზე მომსახურე მსაჯთა ბრიგადამაც.  მაგალითად, როდესაც თბილისელთა კიდევ ერთ ლეგენდის, გიორგი ლორიას წინააღმდეგ დაირღვა წესი, რომელიც ყველა გამეორებაზე ჩანს, რომ ე.წ. „საწითლე" იყო. თუმცა, გარეჯელებისთვის, მსაჯებს და VAR-საც წითელი ბარათი დაენანათ. ალბათ, ისევე, როგორც კიდევ ერთ საეჭვო მომენტში 11-მეტრიანი, ხელით თამაშისთვის, რომელსაც სათავისო გამართლება მოუნახეს და რეალურად სტუმარი გუნდი, პოტენციური გოლისგან დაიცვეს. მიუხედავად ამისა, „დინამო თბილისმა" ქულა აიღო და სანაკრებო შესვენებამდე მესამე ადგილი შეინარჩუნა.

ბათუმში, აჭარაბეთ არენაზე, ბათუმის „დინამოსა" და „ტორპედოს" შორის ფრედ, 2-2 დასრულებული შეხვედრის შემდეგ, სტატუს-კვო სატურნირო ცხრილშიც შენარჩუნდა. ანგარიში, სწრაფი გოლით, პირველ წუთზე, თორნიკე კირკიტაძემ გახსნა, თუმცა, ტაიმი მასპინძლებმა 1-2 წააგეს. ტაიმის მიწურულს, 5-წუთიან მონაკვეთში, 35-ე წუთზე კომნენ ანდრიჩმა და მე-40 წუთზე ბიორნ იონსენმა ორი გოლი გაიტანეს. აჭარულმა გუნდმა ქულის გადარჩენა, მხოლოდ მატჩის მიწურულს, 82-ე წუთზე  უერდი მარას გოლის წყალობით მოახერხეს.

ფოთში, ფაზისის სტადიონზე, „კოლხეთი 1913"-სა და „გაგრას" შორის ორი გოლი  მასპინძლებმა გაიტანეს, თუმცა, 1-2 სწორედ, მათ წააგეს. ანგარიში, 22-ე წუთზე გიორგი ხარებაშვილის გოლით გაიხსნა. 36-ე წუთზე, დიტო ფაჩულიამ თანაგუნდელის შეცდომის გამოსწორება მოახერხა და ანგარიში გაათანაბრა. თუმცა, თამაშის მიწურულს, 88-ე წუთზე, კლაუდინეიმ, გაგრელთათვის საჭირო გოლი გაიტანა და სატურნირო ცხრილში, კიდევ უფრო გაზარდა სხვაობა, გადასათამაშებელ ზონასთან.

სწორედ, მათ წააგეს. ანგარიში, 22-ე წუთზე გიორგი ხარებაშვილის გოლით გაიხსნა. 36-ე წუთზე, დიტო ფაჩულიამ თანაგუნდელის შეცდომის გამოსწორება მოახერხა და ანგარიში გაათანაბრა. თუმცა, თამაშის მიწურულს, 88-ე წუთზე, კლაუდინეიმ, გაგრელთათვის საჭირო გოლი გაიტანა და სატურნირო ცხრილში, კიდევ უფრო გაზარდა სხვაობა, გადასათამაშებელ ზონასთან.

ტურის ბოლო შეხვედრაში გორში, თენგიზ ბურჯანაძის სახელობის სტადიონზე, ადგილობრივმა „დილამ" მინიმალური ანგარიშით, 1-0, მოახერხა, 22-ე ტურში „ნაბრძოლი" და „გადაღლილი" „თელავის" დამარცხება. თუმცა, ალბათ, ამის განჭვრეტა, არც თუ რთული იყო... ამ შეხვედრაში, ერთად-ერთი გოლი, 52-ე წუთზე 11-მეტრიანით, ალექსანდრე ანდრონიკაშვილმა გაიტანა.

ეროვნული ლიგა, ამ ტურის შემდეგ, შესვენებაზე გავიდა და მხოლოდ, 13 სექტემბერს, 24-ე ტურით დაუბრუნდება „საქმეს".

გათამაშების სატურნირო ცხრილი იხილეთ ბმულზე.