საქართველოს მოქმედმა ჩემპიონმა ფუტსალში, დღეს უეფა-ს ჩემპიონთა ლიგის საკვალიფიკაციო ჯგუფის ბოლო შეხვედრა მოიგო, თუმცა, ოთხგუნდიან ჯგუფში, 6 ქულა და მეორე ადგილი, არ აღმოჩნდა საკმარისი ევროტურნირზე დასარჩენად.

მოგეხსენებათ, საქართველოს ჩემპიონო კსუ, უეფა-ს ჩემპიონთა ლიგის წინასწარი შესარჩევი ეტაპის G ჯგუფში „ბუბა მარასან" (ბოსნია და ჰერცეგოვინა), „კარდიფითან" (უელსი) და „ბლუ მეჯიქ დუბლინთან" (ირლანდია) ერთად ასპარეზობდა. მინი ტურნირი კი, ბოსნია და ჰერცეგოვინაში თამაშობდა. ტურნირის მასპინძელ „ბუბა მარას", საქართველოს ჩემპიონი სასტარტო შეხვედრაში „გადაეყარა" და დაძაბულ ბრძოლაში, 1-4 დამარცხდა. რეალურად, როგორც გაირკვა, ჯგუფის გამარჯვებულის გამოსარკვევად, სწორედ, ეს შეხვედრა აღმოჩნდა გადამწყვეტი.

კსუ-მ მომდევნო შეხვედრაში „ბლუ მეჯიქ დუბლინი"4-1 დაამარცხა. დღეს კი, ჯგუფის ბოლო შეხვედრაში, „კარდიფს" 0-7 სძლია. ანგარიში, 13'02'' წუთზე საბა ტყეშელაშვილმა გახსნა და მალევე (18'18'') დუბლი გაიფორმა. 20'38'' წუთზე, გარი წერეთელმა ანგარიში სამამდე გაზარდა, ქართულმა კლუბმა კი, პირველი ტაიმი 0-3 მოიგო. მეორე ტაიმში, გოლების ათვლა  22'50'' წუთზე ბექა ბექაურმა განაახლა. 27'27'' წუთზე ნიკა მანგოშვილმა,  29'27''-ზე საბა მაჩიტაძემ, 31'18'' წუთზე კი, ჯანიკო გიორგაიამ გაიტანეს.

ჯგუფში კი, პირველი ადგილი, შედეგის მიუხედავად და ფუტსალში, უეფა-ს ჩემპიონთა ლიგის მომდევნო საგზურის ბოსნიურმა კლუბმა მოიგო.