ქალთა საფეხბურთო კლუბმა „ლანჩხუთმა", უეფა-ს ქალთა ჩემპიონთა ლიგაზე ასპარეზობა მეორე საკვალიფიკაციო წრიდან დაასრულა. საქართველოს ჩემპიონი ლიეტუვაში, საკვალიფიკაციო G ჯგუფში, მესამე ადგილისთვის შეხვედრაში რუმინულ „ფარულ კონსტანტას" შეხვდა და 1-4 დამარცხდა. შეგახსენებთ, მეორე საკვალიფიკაციო მინი-ტურნირის მესამე ადგილოსანი გუნდი ავტომატურად უეფა-ს ახალ ტურნირზე, ქალთა შორის ევროპის თასის პირველ საკვალიფიკაციო ეტაპზე გადაინაცვლებდა. შესაბამისად, რუმინული კლუბი, უეფა-ს ახალ ევროტურნირზე გააგრძელებს ასპარეზობას. სხვათა შორის ისევე, როგორც ქართველი თავდამსხმელის გულნარა (კესო) გაბელიას ყაზახური „ბიიქ შიმქენთი", რომელმაც დღეს მესამე ადგილისთვის ბრძოლაში სლოვაკური „სპარტაკ მიავა" 2-1 დაამარცხა.  ახალი ტურნირის წილისყრა, ხვალ, 31 აგვისტოს გაიმართება. გუნდები კი, სახლი-გასვლის ფორმატით გააგრძელებენ გზას ქალთა ახალი და რიგით მეორე ევროტურნირის მთავარი ბადისკენ.

რაც შეეხება „ლანჩხუთისა" და „ფარულ კონსტანტას" დღევანდელ დაპირისპირებას, მიუხედავად იმისა, რომ მთელი თამაში რუმინული კლუბი დომინირებდა, ლანჩხუთელებმა კარის მიმართულებით მხოლოდ ორჯერ დაარტყეს. საპირისპიროდ, რუმინულ გუნდს 24 მცდელობა ჰქონდა, საიდანაც 10-ჯერ კარის ჩარჩოში დაარტყა, პირველი გოლი სწორედ, ქართულმა გუნდმა გაიტანა. 39-ე წუთზე ეთერ სულაშვილმა მოახერხა „ფარულ კონსტანტას" კარის აღება. ქართულმა გუნდმა, პირველი ტაიმი მოიგო. თუმცა, მეორე ტაიმში, 57-ე წუთიდან 79-ე წუთის ჩათვლით, ოთხი გოლის გატანა მოახერხა და საბოლოოდ, გაიმარჯვა კიდეც.