ქართველები უეფა-ს ორ ევროტურნირზე შემოდგომის ბოლო დეკადაში დაიწყებენ ასპარეზობას
ქართველები უეფა-ს ორ ევროტურნირზე შემოდგომის ბოლო დეკადაში დაიწყებენ ასპარეზობას
29.08.2025
ავტორი: თამარ ჯიშკარიანი

კვირას, 31 აგვისტოს გახდება ცნობილი ზუსტი ცხრილი და  თარიღები თუ, როდის გაიმართება თამაშები, როგორც უეფა-ს ევროპა ლიგის, ასევე კონფერენს ლიგის მთავარ ბადეში.


ევროპა ლიგის გათამაშებაში, რომელშიც ქართველთა  სამი გუნდი, გიორგი მიქაუტაძის ფრანგული „ლიონი", ლუკა გუგეშაშვილის ბერძნული „პაოკი" და ოთარ კიტეიშვილის ავსტრიული გრაცის „შტურმი" მონაწილეობენ, პირველი შეხვედრები 24 სექტემბერს გაიმართება.


აქვე, ვიდრე უშუალოდ კალენდარს გაგაცნობთ, გეტყვით, რომ არაა გამორიცხული სატრანსფერო ფანჯრის დახურვამდე გიორგი მიქაუტაძის ტრანსფერი არა მხოლოდ ესპანურ ლა ლიგაში, არამედ, იმ „ვილიარეალში" აღმოჩნდეს, რომელიც უეფა-ს ჩემპიონთა ლიგაზე ასპარეზობს. ასე, რომ თუკი, ეს ინფორმაცია, რომელსაც ამ ეტაპზე არც ფრანგული და არც ესპანური კლუბები არ ადასტურებენ, გამართლა, ჟორჟის არა მხოლოდ კლუბს, არამედ ევროტურნირსაც შეიცვლის.


მატჩის დღე 1: 24 და 25 სექტემბერი 2025

მატჩის დღე 2: 2 ოქტომბერი 2025

მატჩის დღე 3: 23 ოქტომბერი 2025

მატჩის დღე 4: 6 ნოემბერი 2025

მატჩის დღე 5: 27 ნოემბერი 2025

მატჩის დღე 6: 11 დეკემბერი 2025

მატჩის დღე 7: 22 იანვარი 2026

მატჩის დღე 8: 29 იანვარი 2026


ევროპა ლიგის 2025/26 წლის ფლეი-ოფი, 2026 წლის 19 და 26  თებერვალს გაიმართება.


ამის შემდეგ, 1/8 ფინალი 12 და 19 მარტს არის ჩანიშნული.

1/4 ფინალები 9 და 16 აპრილს არის ჩანიშნული

1/2 ფინალი 30 აპრილსა და 7 მაისს გაიმართება

რაც შეეხება ფინალურ შეხვედრას ის 2026 წლის 20 მაისს სტამბოლში ჩატარდება.



რაც შეეხება უეფა-ს კონფერენს ლიგის გათამაშებას, უეფა-ს ამ ტურნირზე, ქართული ლეგიონი, ოთხი გუნდით იქნება წარმოდგენილი - გურამ კაშიას „სლოვანი", გაბრიელ სიგუას „ლოზანა", ანრი მექვაბიშვილის „უნივერსიტატია კრაიოვა" და ირაკლი აზაროვის „შახტარი.  აქ, გათამაშება სხვა ევროტურნირებთან შედარებით ოდნავ გვიან დაიწყება.


მატჩის დღე 1: 2 ოქტომბერი 2025

მატჩის დღე 2: 23 ოქტომბერი 2025

მატჩის დღე 3: 6 ნოემბერი 2025

მატჩის დღე 4: 27 ნოემბერი 2025

მატჩის დღე 5: 11 დეკემბერი 2025

მატჩის დღე 6: 18 დეკემბერი 2025


ფლეი-ოფის, წილისყრა უეფა-ს ოფიციალური გვერდის მიხედვით, მოგვიანებით ჩატარდება. 2026 წლის 27 თებერვალს კი, 1/8, 1/4, 1/2 და ფინალის წილისყრა გაიმართება.