მსოფლიოს 2026 წლის ჩემპიონატის შესარჩევი ჯგუფის სასტარტო შეხვედრისთვის თურქეთის ნაკრების მთავარმა მწვრთნელმა, შემადგენლობა დღეს დაასახელა. ისევე, როგორც გერმანიაში, თურქეთისა და საქართველოს ნაკრებების მატჩის წინა დღეს, ჩვენი მოწინააღმდეგე, ისე ივარჯიშებს, რომ მათ ვარჯიშზე დასწრების საშუალება ქართული მედიის წარმომადგენლებს არ ექნებათ.

ვინჩენცო მონტელას 28-კაციანი შემადგენლობა ასე გამოიყურება:

მეკარეები: ალთაი ბაინდირი („მაჩესტერ იუნაიტედი", ინგლისი), ბერქე ოზერი („LOSC ლილი", საფრანგეთი), მერთ გუნოქი („ბეშიქთაში", თურქეთი), უგურჯან ჩაქირი („თრაბზონსფორი", თურქეთი)

მცველები: აბდულქერიმ ბარდაქჩი („გალათასარაი", თურქეთი), ჩაალარ სოიუნჯუ („ფენერბაჰჩე", თურქეთი), ერენ ელმალი („გალათასარაი", თურქეთი), ფერდი ქადიოლუ („ბრაიტონი", ინგლისი), მერიჰ დემირალი („ალ-აჰლი", საუდის არაბეთი), მერთ მიულდიური („ფენერბაჰჩე", თურქეთი), სამეთ აქაიდინ („რიზესფორი", თურქეთი), იუსუფ აქჩიჩექ („ფენერბაჰჩე" , თურქეთი), ზექი ჩელიქი  („რომა", იტალია);

ნახევარმცველები:  აირონ აიგენ ჩანქი („ბეშიქთაში", თურქეთი), ჰაქან ჩალჰანოლუ („ინტერი", იტალია), ისმაილ იუქსექი („ფენერბაჰჩე", თურქეთი), ქაან აიჰანი („გალათასარაი", თურქეთი), ორქუნ ქიოქჩუ  („ბეშიქთაში", თურქეთი), სალიც ოზჯან  („ბორუსია დორტმუნდი", გერმანია);

თავდამსხმელები: არდა გიულერი („რეალი მადრიდი", ესპანეთი), ბარიშ ალფერ ილმაზი („გალათასარაი", თურქეთი),  ჯან უზუნი („აინტრახტი", ფრანკფურტი, გერმანია), დენიზ გიული („პორტო", პორტუგალია), ირფან ჯან ქაჰვეჯი („ფენერბაჰჩე", თურქეთი), ქენან ილდიზ („იუვენტუსი", იტალია), ქერემ აქთიურქოლუ („ბენფიკა", პორტუგალია), ოუზ აიდინ („ფენერბაჰჩე", თურქეთი), იუნუს აქგიუნი („გალათასარაი", თურქეთი).

თურქეთის ეროვნული ნაკრები შეკრებას სტამბოლის გარეუბანში, რივაში, ფეხბურთის ფედერაციის Hasan Doğan National Team Camp-ში პირველი სექტემბრიდან დაიწყებს და რამდენიმე ვარჯიშს ჩაატარებს, მათ შორის, ორი ვარჯიშის პროცესი, მედიისთვის 15-15 წუთი ღია იქნება, ერთი კი, 2 სექტემბერს, მედიისთვის დახურული იქნება. სხვათა შორის, 3 სექტემბერს, მატჩის წინა დღეს, ჩვენი მომავალი მოწინააღმდეგე, ანკარას დროით, 11:15 საათზე თურქეთში ივარჯიშებს და საქართველოში, მხოლოდ ამის შემდეგ „თურქიშ ეარლაინსის" ჩარტერული რეისით გამოემგზავრება.

თურქეთის ფეხბურთის ფედერაციის გვერდზე გამოქვეყნებული ინფორმაციის თანახმად, თბილისში თურქეთის ნაკრები, ჩვენი დროით, 19:30 საათზე დაეშვება და სავარაუდოდ, პირდაპირ აეროპორტიდან (მითითებული დროის მიხედვით) გუნდი, „დინამო არენაზე" მოვა, სადაც გუნდის მთავარი მწვრთნელი ვინჩენცო მონტელა და რამდენიმე ფეხბურთელი  ქართული და თურქული მედიისთვის ტრადიციულ პრეს-კონფერენციას გამართავენ.