დღეს, უეფა-ს ჩემპიონთა ლიგის მესამე საკვალიფიკაციო ეტაპის საპასუხო შეხვედრები გაიმართა. ამჯერად ბრატისლავაში, გურამ კაშიასა და ვლადიმირ ვაისის „სლოვანი", გიორგი ზარიასა და ლუკა გადრანის „კაირათს" დაუპირისპირდა. ფეხბურთის მოყვარულებს გემახსოვრებათ, რომ წინა შეხვედრა ზარიამ წითელი ბარათის გამო გამოტოვა. დღევანდელ, მატჩს კი, ტრიბუნიდან ადევნებდა თვალს, სლოვანის მთავარი მწვრთნელი ვლადიმირ ვაისი, რომელიც ამ გუნდების პირველ დაპირისპირებისას გააძევეს მოედნიდან. სხვათა შორის დღევანდელი საპასუხო თამაშის დროს, ვლადიმირ ვაისი უმცროსიც „დააჯილდოვეს" წითელი ბარათით.

რაც შეეხება თამაშს, სლოვანმა 30-ე წუთზე ანგარიშის გახსნა მოახერხა. მაკის გოლის შემდეგ კი, ორი შეხვედრის ჯამში ანგარიში გათანაბრდა. სხვათა შორის „კაირათი" ოდნავ უკეთ გამოიყურებოდა მასპინძლებთან შედარებით, თუმცა, თამაშის ჯერ ძირითად დროში, შემდეგ კი, დამატებითშიც დამთავრების უფრო მეტი შანსი „სლოვანს" ჰქონდა. გურამ კაშიამ, სლოვაკური გუნდის შემადგენლობაში, სასტარტოდან დაიწყო თამაში და ბოლომდე ითამაშა. რაც შეეხება სტუმარი გუნდის ქართველებს, ლუკა გადრანი სათამაშოდ არ გამოსულა. რაც შეეხება ზარიას, ის ყაზახური გუნდის შემადგენლობაში 68-ე წუთიდან გამოჩნდა და ალბათ, ორივე გუნდში ყველაზე შესამჩნევიც იყო, თუმცა, ქართველმა, დამატებით ტაიმში ტრავმა მიიღო და მე-100 წუთზე ის, შეცვალეს.

საბოლოოდ კი, საქმე პენალტებამდე მივიდა. პირველი 11-მეყრიანი ყაზახებმა გააფუჭეს. ბოლო ორი პენალტი კი, უკვე მასპინძლებმა ვერ გამოიყენეს. „კაირათმა" 3-4 გაიმარჯვა და გათამაშების მომდევნო ეტაპზე გავიდა. გიორგი ზარიასა და ლუკა გადრანის გუნდი 20 აგვისტოს ჩემპიონთა ლიგის ფლეი-ოფის პირველ რაუნდში შოტლანდიურ „სელტიკს", გასვლაზე დაუპირისპირდება. ამ ეტაპზე უცნობია, ტრავმიდან გამომდინარე ითამაშებს თუ არა ზარია აღნიშნულ შეხვედრაში. საპასუხო მატჩი კი, 26 აგვისტოს არის ჩანიშნული.

20 და 26 აგვისტოს დაიწყებს უეფა-ს ჩემპიონთა ლიგის ფლეი-ოფიდან ახალ სეზონს დაიწყებს ოთარ კიტეიშვილის გრაცის „შტურმიც".  ქართველის ავსტრიული კლუბი გათამაშების ამ ეტაპზე ნორვეგიულ „ბოდო გლიმტს" დაუპირისპირდება.

რაც შეეხება გურამ კაშიას „სლოვანს", სლოვაკური კლუბი შვეიცარულ „იანგ ბოიზს" დაუპირისპირდება უეფა-ს ევროპა ლიგის ფლეი-ოფში. თამაშები 21 და 28 აგვისტოს გაიმართება.