საქართველოს ფეხბურთის ფედერაციაში 7 აგვისტოს, საქართველოს დავით ყიფიანის სახელობის თასის 1/4 და 1/2 ფინალური ეტაპის წილისყრა გაიმართა. თამაშები 23 სექტემბერსა და 30 ოქტომბერს გაიმართება. შეგახსენებთ, რომ გუნდები, მომდევნო ეტაპზე გასასვლელად, ერთხელ ხვდებიან ერთმანეთს. მეოთხედფინალში, მასპინძელი, რანგით დაბალი გუნდია. ამ პრინციპით, 23 სექტემბერს გუნდები ასე დაწყვილდნენ:

„მეშახტე" - „იბერია 1999" / „ტორპედო"

„ლოკომოტივი" - „დინამო" ბათუმი

„დილა" - „სპაერი" / „კოლხეთი 1913"

„რუსთავი" - „სამტრედია"

შეგახსენებთ, რომ გამოდინარე იქიდან, რომ ოთხი ქართული კლუბიდან სამმა, „იბერია 1999", „ტორპედო", „სპაერი", უეფა-ს ევროტურნირებზე მონაწილეობის მიზეზით, თასის 1/8 ფინალური შეხვედრების გადადება ითხოვა. შესაბამისად, გადადებული თამაშები, 20 აგვისტოს არის ჩანიშნული.

რაც შეეხება, საქართველოს თასის 1/2 ფინალებს, ამ ეტაპზე წილისყრამ ასე გადაანაწილა:

„მეშახტე" - „იბერია 1999" / „ტორპედო"  //  „ლოკომოტივი" - „დინამო" ბათუმი

„დილა" - „სპაერი" / „კოლხეთი 1913" //  „რუსთავი" - „სამტრედია"

ერთი საინტერესო დეტალი - გადადებულ 1/8 ფინალურ მატჩებამდე, საქართველოს თასის გათამაშებაში, ეროვნული ლიგა 2-ის ოთხი („მეშახტე", „ლოკომოტივი", „რუსთავი", „სამტრედია") და ეროვნული ლიგის ორი („დინამო" ბათუმი, „დილა") გუნდია დარჩენილი. 20 აგვისტოს შემდეგ ამ გუნდებს, ეროვნული ლიგიდან მინიმუმ ერთი გუნდი შეუერთდება, თუკი, რა თქმა უნდა, ფოთელები, „სპაერის" დამარცხებას მოახერხებენ.