ქართველი ლეგიონერების ხუთმა კლუბმა უეფა-ს ევროპა ლიგაზე და ერთმაც კონფერენს ლიგაზე, 7 აგვისტოს, მორიგი საკვალიფიკაციო ეტაპის თამაშები გამართა.

რიგის RFS-მა რომელშიც საქართველოს 21-წლამდეთა ნაკრების, აწ უკვე ყოფილი ფეხბურთელი ლაშა ოდიშარია თამაშობს, ფინურ „კუპსთან" 1-2 დამარცხდა. ამ ჯერზე, ქართველი განსხვავებით, უეფა-ს ჩემპიონთა ლიგის მეორე საკვალიფიკაციო ეტაპისგან, სადაც ის, შემადგენლობაში იყო, თუმცა, სათამაშო დრო არ მიუღია, ამჯერად, საერთოდ არ იყო განაცხადში. ამ მომენტისთვის, მხოლოდ ვარაუდის დონეზე შესაძლოა თქმა, რომ აღნიშნული გარემოება, 22 წლის ქართველის შესაძლო კლუბის ცვლილებას უკავშირდება. როგორც წერენ, ლაშა ოდიშარიათი, ესპანური ლა ლიგა 2-ის კლუბები არიან დაინტერესებულნი. ასე რომ, მალე ალბათ, ახალ ტრანსფერზე ვილაპარაკებთ.

არ უთამაშია „შახტარის" შემადგენლობაში, არც ირაკლი აზაროვს. სხვისი არ ვიცი, მაგრამ ალბათ, ასეთი იგნორირება, ადრე თუ გვიან ქართველის შინაგან განწყობას დაემჩნევა, მოგვიანებით კი, მის სანაკრებო კარიერაზეც აისახება. ასე, რომ სანამ დროა, კარგი იქნება თუ ფეხბურთელის აგენტი, დროულად იზრუნებს აზაროვისთვის ისეთი კლუბის მონახვას, სადაც ძალიან ნიჭიერ ქართველ ფეხბურთელს სათამაშო დრო მიეცემა. რაც შეეხება, „შახტარს", უეფა-ს ევროპა ლიგის მესამე საკვალიფიკაციო ეტაპზე, უკრაინულმა კლუბმა, გასვლაზე „პანათინაიკოსთან" ფრედ, 0-0 ითამაშა.

სათადარიგო სკამზე იყო ლუკა გუგეშაშვილიც. საქართველოს ეროვნული ნაკრების, უკვე თამამად შეგვიძლია ვთქვათ, მეორე მეკარის ახალმა კლუბმა „პაოკმა", ავსტრიული „ვოლფსბერგერი" მიიღო და ფრედ, 0-0 ითამაშა.

უეფა-ს ევროპა ლიგის მესამე საკვალიფიკაციო ეტაპის საპასუხო შეხვედრები 14 აგვისტოს გაიმართება. ამავე დღეს გაიმართება საპასუხო შეხვედრები უეფა-ს ევროპა კონფერენს ლიგის მესამე საკვალიფიკაციო ეტაპზეც.  გიორგი ქვილითაიას ლიმასოლის „არისი", ათენის „აეკს" დაუპირისპირდება. ამ გუნდების პირველი შეხვედრა ლიმასოლში ფრედ, 2-2 დასრულდა. ქართველს, რომელსაც ახლად დაწყებულ კონფერენს ლიგაზე ორი გატანილი გოლი აქვს, ამჯერად გოლი არ გაუტანია. „ქვილითამ" სასტარტო შემადგენლობიდან დაიწყო და მინდორზე 77 წუთი დაჰყო.

ერთი საინტერესო დეტალი - ქვილითაიას გუნდის შეხვედრა, ქართველ მსაჯთა ბრიგადამ (გოგა კიკაჩეიშვილი (მთავარი მსაჯი), დავით ახვლედიანი, დავით გაბისონია (ასისტენტები), ბაქარი ბრეგაძე (მეოთხე მსაჯი), ალეკო აფციაური (VAR-ასისტენტი) განსაჯა. ყვითელი ბარათების მოყვარულმა ქართველმა მსაჯმა, საერთო ჯამში 6 ყვითელი ბარათი აჩვენა და ამ მხრივ, არც ქართველი ქვილითაია დაინდო. კიკაჩეიშვილმა, „ქვილითა" 72-ე წუთზე „გააყვითლა".

ევროპა ლიგის მსგავსად, მესამე საკვალიფიკაციო ეტაპზე ქართველების ორი გუნდი გადაეყარა ერთმანეთს. ანრი მექვაბიშვილის „უნივერსიტატიამ", გიორგი მოისწრაფიშვილის ტრნავის „სპარტაკს" უმასპინძლა და 3-0 დაამარცხა.  რუმინულ-სლოვაკურ დაპირისპირებაში ქართველები სათადარიგო სკამიდან ჩაერთვნენ, ორივე მეორე ტაიმში. თავდაპირველად, 77-ე მოდენაზე „მოისწრაფა", 81-ე წუთზე კი, „მექვაბა" გამოვიდნენ.