დღეს ბულგარულ ქალა ალბენაში სტარტი აიღო, 19-წლამდე გოგონათა ევროპის ჩემპიონატის B დივიზიონის თამაშები. საქართველოს 19-წლამდე გოგონათა ნაკრებმა რომელიც აღნიშნული ლიგის პირველ ჯგუფში მასპინძელ ბულგარეთთან, ლუქსემბურგთან და ლიხტენშტეინის ასაკობრივ ნაკრებებთან ერთად ასპარეზობს, მეორე რაუნდის პირველი შეხვედრა გამართა.

ლალე დავითაშვილის გუნდი, ლუქსემბურგს დაუპირისპირდა. თანაბარ თამაშში, ანგარიში ქართველმა ფეხბურთელებმა გახსნეს. 39-ე წუთზე ნანიკო ჩხეტიანმა გაიტანა გოლი. ლუქსემბურგელებმა, მხოლოდ 71-ე წუთზე მოახერხეს ანგარიშის გათანაბრება 1-1 და საბოლოოდ, ქართულ გუნდთან ქულები გაიყვეს (მატჩის სტატისტიკური ჩანაწერი).

ამ ჯგუფის მეორე შეხვედრაში, ბულგარეთმა დიდი ანგარიშით 7-0 დაამარცხა ლიხტენშტეინი და ჯგუფს სათავეში ჩაუდგა. საქართველო და ბულგარეთის ნაკრებები, ერთმანეთს ჯგუფის ბოლო შეხვედრაში დაუპირისპირდებიან ერთმანეთს და არაა გამორიცხული, რომ ჯგუფის გამარჯვებულიც სწორედ, 8 აპრილს გაირკვეს. თუმცა, მანამდე, ჯგუფის მეორე სათამაშო დღეს, 5 აპრილს, საქართველო ლიხტენშტეინს, ბულგარეთი კი ლუქსემბურგის ნაკრებს დაუპირისპირდება.

აქვე გეტყვით, რომ A ლიგის საგზურს B ლიგის ექვსი ჯგუფის გამარჯვებულებთან ერთად, ერთი საუკეთესო მეორეადგილოსანიc მოიპოვებს.