ვიდრე, მსოფლიოს ექვსი საუკეთესო ქვეყანა, ფიგურულ ციგურაობაში, გუნდური თასის მოსაგებად, ტოკიოში შეიკრიბებიან და ამ ქვეყნებს შორის იქნება საქართველოც, ალბათ, არაა ურიგო 2024-2025 წლების სეზონი დავაჯამოთ.

საქართველოს ფიგურული ფედერაციის ინფორმაციით, აშშ-ში ბოსტონში დასრულებული მსოფლიო ჩემპიონატის შემდეგ, რომელშიც 42 ქვეყნის 190 სპორტსმენი მონაწილეობდა და საქართველო ოთხივე კატეგორიაში (ქალები, კაცები, სპორტული წყვილები და სპორტული ცეკვები) თითო წარმომადგენლით ასპარეზობდა, სამ კატეგორიაში საუკეთესო ათეულში მოხვდა, რაც თავის მხრივ, მომდევნო სეზონში, ქართული გუნდის წარმომადგენლობით ზრდას გამოიწვევს. მაგალითად, 2025 წლის მსოფლიო ჩემპიონატის შედეგების გათვალისწინებით:

• 2026 წლის ზამთრის ოლიმპიურ თამაშებზე მოვიპოვეთ 2-2 ლიცენზია ( სპორტული წყვილები, მამაკაცები, სპორტული ცეკვები);
• 2026 წლის მსოფლიო ჩემპიონატზე 2-2 საგზური (სპორტული წყვილები, მამაკაცები, სპორტული ცეკვები);
• 2026 წლის ზამთრის ოლიმპიური თამაშების გუნდურ ეტაპზე მსოფლიოს საუკეთესო 10 გუნდს შორის მონაწილეობის მაღალ პროცენტული შანსი;
• 2025-2026 წლების სპორტულ სეზონზე გრან პრის სერიების 2-2 ეტაპი ( სპორტული წყვილები, მამაკაცები, სპორტული ცეკვები);
• 2025 წლის მსოფლიო ჩემპიონატზე გუნდურ ასპარეზობაში ფინალისტის საგზური.
• 
  

ამ უკანასკნელის გათამაშება, მიმდინარე წლის 17-20 აპრილს არის დაგეგმილი (იხილეთ სტატია).

ეს რაც ხდება ყინულზე, თუმცა, ისევე როგორც სპორტის სხვა სახეობებში, აქაც არის „კულისები", სადაც არანაკლებ საინტერესოდ ვითარდება მოვლენები. მაგალითად, საერთაშორისო ასპარეზზე საქართველოს ავტორიტეტი, სპორტის ამ სახეობაში, რომელიც ახლა იკიდებს ფეხს, იზრდება. ჩვენი გუნდი, ახერხებს ფიგურულ ციგურაობაში მსოფლიო რეიტინგის წამყვან პოზიციებზე მყოფ ქვეყნებთან კონკურენციას და რაც ასევე დასაფასებელია, ზამთრის ოლიმპიადაზე, ქართველ მსაჯსაც მიიწვევენ.

და რადგან ოლიმპიადაზე ჩამოვაგდეთ ლაპარაკი, ვთქვათ ისიც, რომ მათ ვინც, ამის გაკეთება ბოსტონში ვერ მოახერხა და ჩვენდა გასაოცრად, ამ ჩამონათვალში ანასტასია გუბანოვაც არის, 2025 წლის 17-21 სექტემბერს, მათ ოლიმპიური ლიცენზიების მოსაპოვებლად დამატებითი შანსი ეძლევათ. საკვალიფიკაციო ტურნირზე, გათამაშდება 5-5 ლიცენზია ერთეულთა, როგორც კაცთა, ასევე ქალთა კატეგორიებში, 4 სპორტულ ცეკვებში და 3 სპორტულ წყვილებში. სხვათა შორის, ISU-ს გადაწყვეტილებით, სექტემბრის სალიცენზიო ტურნირში, სამწლიანი შესვენების შემდეგ, რუსი და ბელარუსი სპორტსმენებიც მიიღებენ, რომლებიც ისევე როგორც, სპორტის სხვა სახეობებში აქაც, ნეიტრალური ქვეყნის სტატუსით მიიღებენ მონაწილეობას. ასე, რომ ანასტასია საკმაოდ რთული ამოცანის წინაშე დგას, რომელსაც იმედს ვიტოვებთ, რომ დაძლევს.

შეგახსენებთ, რომ ზამთრის 2026 წლის ოლიმპიური თამაშები 6-22 თებერვლის ჩათვლით, მილანსა და კორტინაში გაიმართება.

სწორედ  ამ  ტურნირზე  ქალთა კატეგორიაში ლიცენზიის მოსაპოვებლად იასპარეზებს საქართველოს  ნაკრების  წევრი ანასტასია გუბანოვა. აგრეთვე, სამწლიანი პაუზის  შემდეგ მონაწილეობის მიღებას  ნეიტრალური სტატუსით  შეძლებენ რუსი და  ბელორუსი სპორტსმენები.

ოლიმპიური საგზურები კი ამ მომენტისთვის  31 ქვეყანაზეა გადანაწილებული, მათ შორის: სრულად დაკომპლექტებული ანუ ყველა, ოთხივე კატეგორიაში წარმოდგენილები არიან, აშშ, იტალია, კანადა. სამ კატეგორიაში ჰყავთ წარმომადგენლები საფრანგეთს, საქართველოს, იაპონიას, სამხრეთ კორეას, დიდი ბრიტანეთსა და პოლონეთს. ორ-ორი ოლიმპიური ლიცენზიის მფლობელები არიან გერმანია, ესპანეთი, ესტონეთი, ყაზახეთი, შვეიცარია და ფინეთი. თითო ოლიმპიური ლიცენზია კი აქვთ შემდეგ ქვეყნებს - ავსტრალია, ავსტრია,  აზერბაიჯანი, ბელგია, ბულგარეთი, ისრაელი, ლატვია, ლიტვა, ნიდერლანდები, რუმინეთი, სლოვაკეთი, უნგრეთი, უზბეკეთი, შვეცია, ჩეხეთი და ჩინეთი.