იტალიის სერია A-ში მორიგი გამარჯვება მოიპოვა თორნიკე შენგელიას ვირტუსმა, რომელმაც ბოლონიაში "რეჯანას" უმასპინძლა და დიდი სხვაობით - 69-45 დაამარცხა. ქართველი ფორვარდი მატჩის MVP გახდა.

შენგელიას მსგავსად, 14-14 ქულა დააგროვეს ფრანგმა ესაია კორდინიემ და ამერიკელმა მეტ მორგანმა, თუმცა ქართველ ფორვარდს 7 მოხსნა და 3 შედეგიანი გადაცემაც ჰქონდა და საერთო სარგებლიანობის ინდექსით ყველას აჯობა.

ვირტუსი 17-7 ბალანსით მე-2 ადგილზეა, თუმცა ლიდერ ტრაპანისაც ანალოგიური ბალანსი აქვს, ისევე, როგორც მე-3 პოზიციაზე მყოფ ბრეშას. 7 აპრილს ვირტუსი ტრევიზოს ესტუმრება. მანამდე, 4 აპრილს ვირტუსი ოლიმპია მილანოს ევროლიგის იტალიურ დერბიში შეხვდება.