სანაკრებო ფანჯრის შემდეგ, ქართველი ფეხბურთელები მშობლიურ კლუბებს დაუბრუნდნენ და საკლუბო ფეხბურთის მორევში ჩაეფლნენ. სხვისი არ ვიცი, მაგრამ ჩვენ ამ ეტაპზე ყველაზე მეტად ლუკა ლოჩოშვილის ჯანმრთელობის მდგომარეობა გვადარდება ყველაზე მეტად. მიუხედავად იმისა, რომ ვიცოდით, ერევანში, სომხეთთან მიღებული ტრავმა არ უნდა ყოფილიყო სერიოზული. „ლოჩომ", იტალიის სერია B-ს 31-ე ტურში, „სალერნიტანას" ძირითადი შემადგენლობიდან დაიწყო თამაში შეუცვლელად ითამაშა. მისი გუნდი, კი, რომელსაც ლიგაში დარჩენა უნდა,  „პალერმოსთან" საშინაო შეხვედრაში 1-2 დამარცხდა.

სტაბილური და კარგი შეხვედრა ჩაატარა ესპანურ ლა ლიგაში გიორგი მამარდაშვილმა. ქართველს, ბევრი საქმეც არ ჰქონია, ჯერ კიდევ მისმა „ვალენსიამ" კი, უეფა-ს ევროტურნირებისთვის მებრძოლი „მალიორკა", მინიმალური ანგარიშით 1-0 დაამარცხა. ქართველის გუნდმა, ამ ტურის შემდეგ, გასავარდნ ზონას 4 ქულით დააღწია თავი.

ძირითად შემადგენლობაში დაიწყო თამაში და მინდორზე 70 წუთი გაატარა საბა გოგლიჩიძემ, რომლის, „ემპოლი" იტალიის სერია A-ში სტუმრად, „კომოს", ფრედ 1-1 ითამაშა. „ემპოლი" კვალავ, გასავარდნ ზონაშია, თუმცა, თავის დაღწევა მის გუნდს, შეუძლია რადგან სულ ორი ქულით ჩამორჩება „ლეჩეს" და მხოლოდ, სამი „პარმას".

ეროვნული ნაკრებში თამაშის შემდეგ, კაპიტნის სამკლაურით გამოუძღვა „სლოვანს" გურამ კაშია. კაპიტანმა შეხვედრა შეუცვლელად ითამაშა და საშინაო შეხვედრაში, „პოდრეზოვასთან" 3-2 გაიმარჯვა და სლოვაკეთის ნაიკის ლიგაში, კიდევ უფრო მიუახლოვდა მორიგ ტიტულს.

ალბათ, დაკვირვებულ გულშემატკივარს ემახსოვრება, რომ სოხმეთთან, თბილისური შეხვედრებისას გამართულ პრეს-კონფერენციებზე, ვილი სანიოლიმ აღნიშნა, რომ ოთარ კაკაბაძის „პერფორმანსით" ყოველთვის კმაყოფილია. ეს კი, მარტო სანაკრებო ფეხბურთში არ ჩანს, „კაკაბას" „კრაკოვიამ" საშინაო შეხვედრაში „პუშჩა" დაამარცხა 3-1. ქართველმა გოლიც გაიტანა და ორივე გუნდის შემადგენლობიდან, ყველაზე მაღალი, 7.9  ქულა დაიმსახურა.

ეროვნულ ნაკრებში გატარებული მარტი წაადგა გიორგი ზარიას. ყაზახეთის პრემიერლიგაში, ქართველმა „ქაირათის" მაისურით მესამე გოლი გაიტანა. „ზარომ"  პირველ ტაიმში პენალტი ჯერ გამოიმუშავა და შემდეგ ზუსტადაც დაარტყა. მისმა გუნდმა, კი, გასვლაზე „თურანი" 1-2 დაამარცხა.

მატჩის საუკეთესო მოთამაშე გახდა ანრი მექვაბიშვილი - რუმინეთის ჩემპიონატში, ქართველის „უნივერსიტატიამ" სტუმრად, „რაპიდი" დაამარცხა, 1-2. ამ შეხვედრაში კი, ანგარიში სწორედ, ქართველმა გახსნა.

დუბლი გაიფორმა გიორგი გულიაშვილმა ბოსნიის ჩემპიონატში. ქართველის „სარაევომ"  „იგმან კონიჩს" უმასპინძლა და 3-0 დაამარცხა. ქართველებიდან, ამ შეხვედრაში შეუცვლელად ითამაშა გულიაშვილმა. ვასილიოს გორდეზიანი, ამ შეხვედრაში სათამაშოდ არ გამოსულა.

მე-8 საგოლე გადაცემა ჩაიწერა აქტივში ლევან შენგელიამ. ბერძნულ სუპერლიგაში, ფლეი-ოფის შეხვედრაში ქართველის „ოფი კრეტა" საშინაო შეხვედრაში 1-2 დამარცხდა კაცნაკლულ „ატრომიტოსთან". შენგელიას გუნდი, კონფერენციის ლიგის ჯგუფში მე-7 ადგილზეა.

გადავიდეთ „მძიმე არტილერიაზე"  და დავიწყოთ ბუდუთი, რომელსაც ნაკრების მარტის თამაშებში ბევრი სათამაშო დრო არ მიეცა. ბუდუ ზივზივაძის „ჰაიდენჰაიმმა" გასვლაზე „ვოლფსბურგს" 0-1 მოიგო. ქართველმა სასტარტო შემადგენლობიდან დაიწყო, თუმცა, ბოლო წუთზე ტრავმის გამო, რომელიც არ  აღმოჩნდა სერიოზული, მინდვრის დატოვება მოუხდა.

გიორგი ჩაკვეტაძის „უოტფორდმა" ინგლისური ჩემპიონშიფის მორიგ შეხვედრაში მშრალი ფრე, 0-0 ითამაშა „პლიმუთსან". „ჩაკვემ" ძირითადი შემადგენლობიდან დაიწყო და შეუცვლელად ითამაშა. „უოტფორდს" ახლა, 53 ქულა და კარგი შანსი აქვს, მოხვდეს, პრემიერლიგაში გადასასვლელ ფლეი-ოფში.

ავსტრიის ბუნდესლიგაში, ოთარ კიტეიშვილის გრაცის „შტურმა" გასვლაზე ფრედ 1-1 ითამაშა „ვოლფსბერგერთან" და საჩემპიონო რბოლაში, 2 ქულით ჩამორჩა „აუსტრია ვენას", რომელმაც თავის მხრივ გასული ტურის შეხვედრა მოიგო და თუკი, უახლოეს ტურებში, ვენელებს ფეხი არ აუცდათ, არაა გამორიცხული საჩემპიონო რბოლაში, 23 აპრილის შეხვედრა აღმოჩნდეს მნიშვნელოვანი. ამ დღეს, „აუსტრია ვენა", „შტურმს" უმასპინძლებს. თუმცა, „კიტეს" გუნდმაც ყველა დარჩენილ ტურში უნდა ივაჟკაცოს, რადგან გრაცელებს, კუდზე, „ზალცბურგი" აზით, 22 ქულით (+2 ქულა სხვაობა).

საფრანგეთის ლიგა 1-ში კვლავ, ქართული ტური იყო. „ლიონის" ძირითად შემადგენლობაში იყო გიორგი მიქაუტაძე, რომლის გუნდიც გასვლაზე „სტრასბურგთან" 2-4 დამარცხდა. ჟორჟიმ, ამ შეხვედრაში მსაჯის მიერ, თამაშისთვის კომპენსირებული დროის მე-7 წუთზე გაიტანა 11 მეტრიანით და ლიგა 1-ში გატანილი გოლების რიცხვი კიდევ გაზარდა. ახლა „ბომბარდირს" აღნიშნულ ლიგაში 8 გატანილი გოლი და ოთხი საგოლე გადაცემა აქვს.  

თითქმის ყოველ ტურში, ლიგა 1-ის სოციალურ ქსელი საკუთარ მიმდევრებს ქართველ ტალანტებზე უმახვილებს ყურადღებას. ბოლო ტურშიც, სწორედ, ზურიკო დავითაშვილისა და ხვიჩა კვარაცხელიას „ჩურჩულების" და „მზრუნველობის" ამსახველი ფოტოები, სოციალურ ქსელებს ვირუსულად მოედო. რაც შეეხება თამაშს, ორივე ქართველმა კარგად ჩაატარა. მართალია, ზურიკოს, გოლი არ გაუტანია, თუმცა, შეხვედრაში ანგარიში მისი გადაცემის შემდეგ, გატანილი გოლით გაიხსნა. პირველი ტაიმი ფრედ დასრულდა, 1-1. მეორე ტაიმი კი, „კვარა"-შოუთი გაიხსნა. 50-ე წუთზე, პსჟ-ს დასაწინაურებლად, კვარამ ყველაფერი საკუთარ თავზე აიღო და გაიტანა. საბოლოოდ კი, პარიზელებმა „სენტ ეტიენი", რომელიც პირველ ტაიმში კარგად გამოიყურებოდა „დაშალეს" და საკუთარ კედლებში, 1-6 დაამარცხეს. რაც შეეხება, ჩვენს ლეგიონს, ორივე გუნდის მწვრთნელმა, თითქოს პირი შეიკრესო, ქართველები, ერთდროულად, 64-ე წუთზე შეცვალეს.

და ბოლოს, ორი ტრანსფერის შესახებ, რომელიც სანაკრებო პაუზის შემდეგ, ქართველთა უცხოურმა კლუბებმა დაადასტურეს - პირველი ლუკა გუგეშაშვილია. ქართველთა მეკარე, რომელსაც ვილი სანიოლი „დაემუქრა", ივნისის ამხანაგურ შეხვედრებში კარის მთავარ დარაჯად დაგაყენებო, ახალი სეზონიდან ბერძნულ გრანდში, „პაოკში" ითამაშებს. თუმცა, მანამდე, ქართველ მეკარეს, „პანსერაიკოსში" აქვს სეზონი ჩასამთავრებელი, რომელსაც კარგად ატარებს, თუმცა, მისი გუნდი, ბერძნული სუპერლიგის გასავარდნ ზონაშია და ბოლო ტურის საშინაო შეხვედრა ფრედ, 1-1 ითამაშა, „ლამიასთან".

„კაპიტან ამერიკა" კი, ახალი სეზონიდან პორტუგალიელთა გულების დაპყრობას ეცდება. გუშინ გვიან ღამით, დადასტურდა ქართველი ნახევარმცველის ტრანსფერი „სპორტინგში". აღნიშნულის თაობაზე განცხადებები „ლევანტესა" და სფფ-ის სანაკრებო გვერდებმაც გააკეთეს. თუმცა, ბუნებრივია გიორგი ქოჩორაშვილის მიმდინარე საფეხბურთო სეზონს, ლა ლიგა 2-ში, ესპანურ „ლევანტესთან" ერთად ჩაასრულებს, სადაც იჯარის წესით 30 ივნისის ჩათვლით ითამაშებს. სანაკრებო შესვენების შემდეგ, „ქოჩორას" გუნდი, გასვლით შეხვედრაში „ალმერიასთან" 1-0 დამარცხდა.

ჯერ-ჯერობით ასეთი ამბებია... ჩვენ ზუსტად ერთ კვირაში, კვლავ შევკრებთ ქართული ლეგიონის ამბებს.