დღეს, ბოსტონში მიმდინარე მსოფლიო ჩემპიონატზე ფიგურულ ციგურაობაში ასპარეზობა დაიწყო სპორტულ ცეკვებში, სადაც საქართველოს  დიანა დევისი და გლებ სმოლნიკი წარმოადგენდნენ.  დიანამ და გლებმა, ისევე როგორც სხვა მონაწილეებმა, პროგრამა, გასული საუკუნის 60-90-იანი წლების პოპულარული მუსიკის კომპოზიციაზე შეასრულეს. ჩვენბმა,  რიტმულ ცეკვებში 31 მონაწილეს შორის 21 ნომრით იასპარეზეს და მე-14 ადგილით, თავისუფალ პროგრამაში მონაწილეობის უფლება მოიპოვეს. პირველზე არიან ამერიკელები ჩოკი და ბეიტსი, მათ 90.18 ქულა მიიღეს.

დიანამ და გლებმა ხუთივე ელემენტი კარგად შეასრულეს და 73.22 (41.92 /31.30) ქულა დაიმსახურეს. ერთი საინტერესო გარემოება, პირველი პროგრამის შემდეგ, დაახლოებით 8 მონაწილეს თითქმის მიახლოებული ქულები აქვთ, ასე, რომ საბოლოოდ, ვინ რომელ ადგილზე დაასრულებს ასპარეზობას, თავისუფალი პროგრამა გაარკვევს. თავისუფალ პროგრამაში კი, მონაწილეობას 20 წყვილი მიიღებს, რომელთაგან 19 საუკეთესო ზამთრის ოლიმპიური თამაშების ლიცენზიატი გახდება. ოლიმპიური თამაშების კიდევ 4 საგზური 2025 წლის სექტემბერში, ჩინეთში გათამაშდება, სწორედ იქ მოუწევს, ოლიმპიური თამაშების ლიცენზიისთვის ბრძოლა ანასტასია გუბანოვას, რომლისთვისაც ბოსტონი უიღბლო გამოდგა.

ხვალ კი, მის მოგებას, ბოსტონში დიანა დევისი/გლებ სმოლნიკი და მამაკაცთა შორის ნიკა ეგაძე შეეცდებიან.