დღეს ბულგარეთში, სენიორთა შორის,  ხმლით მოფარიკავეთა მსოფლიო თასი დასრულდა. პირად ჩათვლაში, გუშინ გათამაშებული მედლების შემდეგ, 24-მა ნაკრებმა საუკეთესო გამოავლინა. გამარჯვებული საფრანგეთის ნაკრები გახდა, რომელმაც ფინალში, აშშ-ს ნაკრებს 45-44 სძლია.

რაც შეეხება საქართველოს ნაკრებს, რომლის შემადგენლობაშიც სადრო ბაზაძე, ბექა ბაზაძე, ვახტანგ არჩვაძე და ალექსანდრე თავართქილაძე ასპარეზობდნენ, საერთო ჯამში 5 შეხვედრა გამართეს, რომელთაგან სამში გაიმარჯვეს, ორში კი მარცხი იწვნიეს. დღის წარმატებულად დაწყების შემდეგ, საქართველოს ნაკრებმა, როგორც მოგვიანებით გაირკვა, მომავალ ჩემპიონთან წააგო. ჩვენმა გუნდმა კი, საბოლოოდ, მე-7 ადგილით დაასრულა ასპარეზობა.

7-8 ადგილებისთვის / საქართველო - ჰონგ კონგი 45-34

5-8 ადგილებისთვის / საქართველო - კანადა  42-45

1/4 ფინალი /  საფრანგეთი- საქართველო 45-29

1/8 ფინალი  / საქართველო - ირანი 45-36

1/16 ფინალი / საქართველო - საუდის არაბეთი 45-38

გუნდური შეჯიბრის საბოლოო სტატისტიკა იხილეთ ბმულზე .

შეგახსენებთ, რომ ერთი დღით ადრე, პირად ჩათვლაში ბრინჯაოს მედალი მოიგო სანდრო ბაზაძემ.

ფოტო: © საქართველოს ფარიკაობის ფედერაცია