წყალბურთში, LEN ევროპის თასის 1/8 ფინალური ეტაპი დაიწყო. საქართველოს ჩემპიონმა, თბილისის „დინამომ", რომელიც აღნიშნულ ტურნირზე ჩემპიონთა ლიგიდან გადმოინაცვლა, ორ-რაუნდიანი დაპირისპირების პირველი თამაში იტალიურ „პრო რეკოსთან" 17-5 წააგო.

რეალურად მატჩის ბედი პირველივე პერიოდში გადაწყდა რომელშიც მასპინძლებმა 7-2 გაიმარჯვეს. მომდევნო სამი პერიოდიც მათი გამარჯვებით დასრულდა 3-1, 3-1, 4-1. დინამოელთაგან 2-2 გოლი გოლი სტეფან პიეშივაცმა და ველკო ტანკოსიჩმა გაიტანეს, ერთი ბურთი კი საბა ტყეშელაშვილის ანგარიშზეა.

საპასუხო შეხვედრა „დინამოსა" და „პრო რეკოს" შორის, თბილისში, ოლიმპიკის კომპლექსში, 6 თებერვალს  გაიმართება.

იხილეთ მატჩის მიმდინარეობის ტექსტური ჩანაწერი.

ფოტო: Credit LEN.EU via Federico Schenone