28 სექტემბერს, თბილისში, ძიუდოს აკადემიაში, საქართველოს ძიუდოს ეროვნული ფედერაციის საანგარიშო-საარჩევნო ყრილობა გაიმართება. განცხადებას ძიუდოს ფედერაციის სოციალური ქსელი ავრცელებს. მათივე ინფორმაციით, ყრილობის დღის წესრიგში ამ ეტაპისთვის ოთხი ძირითადი განსახილველი საკითხი იქნება:

• საქართველოს ძიუდოს ფედერაციის პრეზიდენტის მოხსენება-ანგარიში
• საქართველოს ძიუდოს ფედერაციის პრეზიდენტის არჩევნები
• ვიცე-პრეზიდენტების, გენერალური მდივნისა და აღმასკომის წევრების დამტკიცება.
• სხვადასხვა

ყრილობის მუშაობაში ხმის უფლებით,  57 დელეგატი მიიღებს. მანამდე კი, საორგანიზაციო ჯგუფი, პრეზიდენტობის მსურველი კანდიდატების რეგისტრაციას აწარმოებს, რომლებმაც, შესაბამისი მოთხოვნით განცხადება და წესდებით გათვალისწინებული დოკუმენტაცია უნდა წარმოადგინონ ელექტრონულად: judofedgeo@gmail.com   არაუგვიანეს 2024 წლის 6 სექტემბრისა.

შეგახსენებთ, რომ საქართველოს ძიუდოს ფედერაციის პრეზიდენტი, ამ მომენტისთვის გიორგი ათაბეგაშვილია. მისი ხელმძღვანელობის პერიოდში ქართველმა ჯუდოკებმა, სოლიდურ წარმატებებს მიაღწიეს.