უეფა-ს ახალგაზრდული ლიგა 2024-2025 წლის სეზონიდან ახალი ფორმატით ტარდება. ორგანიზატორები შეეცადნენ, რიგით მე-11 გათამაშება, უეფა-ს მთავარი საკლუბო ტურნირის ფორმატთან შესაბამისობაში მოეყვანათ, რაც ნიშნავს, რომ ტურნირში მონაწილეობაზე განაცხადების ბევრად დიდი რაოდენობაც შევიდა.

ისევე, როგორც ადრე, ყველა პრეტენდენტი ორ გზად არის გაყოფილი - ჩემპიონთა ლიგის გზა და ადგილობრივი ჩემპიონების გზა, რომლებიც ვიდრე დაიწყება 2025 წლის ფლეი-ოფების ფაზა, თავისი წინასწარ შედგენილი გრაფიკით იასპარეზებენ.

უეფა-ს ჩემპიონთა ლიგის გზით, სტარტს ის 36 ახალგაზრდული კლუბი აიღებს, რომელთა მთავარმა კლუბებმაც მოახერხეს უეფა-ს 2024-2025 წლების სეზონში ჩემპიონთა ლიგის ძირითად ეტაპზე გასვლა. აღნიშნული გათამაშება იქნება ერთი-ერთში მთავარი ტურნირის და გუნდებიც იმ წილისყრის მიხედვით დაწყვილდებიან, რომელიც 29 აგვისტოს მონაკოში გაიმართება. ე.წ. ექვსი სათამაშო დღე, 18 სექტემბრიდან 11 დეკემბრის პერიოდს მოიცავს და გუნდებს მოუწევთ 3 საშინაო და 3 გასვლითი თამაშის ჩატარება.

რაც შეეხება ადგილობრივი ჩემპიონების ტურნირს, მასში უეფა-ს წევრი ქვეყნების ჩემპიონები მონაწილეობენ, ასეთი 52 არის, რომელთა შორის „დინამო თბილისის" ახალგაზრდული კლუბიც მოხვდა. ადრე, აღნიშნულ ტურნირში 32 კლუბი მონაწილეობდა, ასოციაციების კოეფიციენტის შესაბამისად.

2024-2025 წლების სეზონზე ტურნირი, თავდაპირველად ჩატარდება სამი, ორ-რაუნდიანი ეტაპი სახით, ნაცვლად ორისა. აქედან, კლუბების ნაწილი ასპარეზობას, პირდაპირ მეორე ეტაპიდან დაიწყებს. „დინამო თბილისი" კი, ტურნირში პირველივე ეტაპიდან ჩაებმება 23 კლუბთან ერთად.

პირველ ეტაპზე დებიუტი ექნებათ, ანდორას, ფარერის კუნძულების, გიბრალტარის, კოსოვოს, მალტისა და უელსის კლუბებს. ქართული კლუბის წილისყრა 3 სექტემბერს, ნიონში გაიმართება. პირველი ეტაპის თამაშები 18 სექტემბერსა და 2 ოქტომბერს ჩატარდება.