დღეს და ხვალ, საქართველოს დავით ყიფიანის თასის 2024-25 წლების სეზონის 1/16 ფინალური მატჩები გაიმართა. ამ ეტაპიდან, შეგახსენებთ, რომ ასპარეზობა საქართველოს ეროვნული ლიგა 2-ისა და ეროვნული ლიგის გუნდებმა დაიწყეს, იმ გუნდების (ბათუმის „დინამო", „დინამო თბილისი", „ტორპედო" და „იბერია 1999" გარდა, რომლებიც უეფა-ს ევროტურნირებზე ასპარეზობდნენ.
„ბორჯომი" - „ლოკომოტივი" 0 - 6
„კოლხეთი" ხობი - „სპაერი" 1 - 2
„მერანი" თბილისი - „კოლხეთი 1913" 0 - 3
„გონიო" - „რუსთავი" 2 - 3
„სიონი" - „სამგურალი" 1 - 4
პირველი საასპარეზო დღის შემდეგ, გათამაშების მომდევნო ეტაპზე გავიდნენ თბილისის „ლოკომოტივი", „სპაერი", „რუსთავი", სამივე ეროვნული ლიგა 2-ის მოასპარეზე გუნდები და ელიგის წარმომადგენლები, „კოლხეთი 1913" და წყალტუბოს „სამგურალი".
ხვალ, საქართველოს თასის 1/16 ფინალის კიდევ შვიდი შეხვედრა გაიმართება:
17:00 „ლოკომოტივი 2" - „შტურმი" / თბილისი - ოლიმპიური კომპლექსი
17:00 „გარეჯი" - „დილა" / საგარეჯო - ცენტრალური /GFF.ge
17:00 „სამგურალი 2" - „გაგრა" / წყალტუბო - საფეხბურთო ცენტრი
19:00 „არაგვი" - „სამტრედია" / სართიჭალა - ცენტრალური GFF.ge
19:00 „ვიტ ჯორჯია" - „თელავი" / თბილისი - ილია კოკაიას სახელობის საფეხბურთო ცენტრი
20:00 „ორბი" - „მეშახტე" / ხაშური - გრიგოლ ჯომართიძეს სახელობის სტადიონი
20:00 „კოლხეთი 2" ფოთი - „დინამო თბილისი 2" / ფოთი, „ფაზისის" სტადიონი
როგორც ხედავთ, ხვალ საქართველოს თასის 1/8 ფინალში გასასვლელად, ეროვნული ლიგის კიდევ ოთხი წარმომადგენელი იბრძოლებს.
შეგახსენებთ, რომ სათასო დაპირისპირებები ერთ-რაუნდიანია და საჭიროების შემთხვევაში დებულებით დაინიშნება ჯერ დამატებითი ტაიმები, ბოლოს კი, 11-მეტრიანების სერია.
საქართველოს თასის გათამაშებას, 1/8 ფინალიდან უკვე ეროვნული ლიგის კიდევ ოთხი გუნდი - ბათუმის „დინამო", „დინამო თბილისი", „ტორპედო" და თასის მოქმედი მფლობელი „იბერია 1999" შეუერთდებიან.
ფოტო: სფფ / ლაშა კუპრაშვილი