გიორგი შერმადინი ძალიან ახლოს იყო ჩემპიონთა ლიგის მეორედ მოგებასთან. პირველად 2022 წელს გაიმარჯვა, მეორედ 2024 წლის 28 აპრილს ითამაშა ფინალი, . მისი „ტენერიფე" „უნიკახას" დაუპირისპირდა და ბოლო წამებზე 80-75 დამარცხდა. მალაგელებმა ისტორიაში პირველად მოიგეს ჩემპიონთა ლიგა.

გიორგი შერმადინი თანაგუნდელთა შორის ერთ-ერთი ყველაზე გამორჩეული იყო. მან 31 წუთში 16 ქულა, 6 მოხსნა, 2 პასი და თითო ჩაჭრა-დაფარება მოაგროვა. შერმადინის ანგარიშზე 5-დან 5 ორქულიანი და 8-დან 6 საჯარიმო იყო.

„უნიკახას" გამარჯვება მნიშვნელოვნად განაპირობა პერიმეტრიდან ზუსტმა თამაშმა. მალაგელებმა 14 სამქულიანი ჩააგდეს. გამოცდილმა ნიჰად დედოვიჩმა 5-დან 4 სამიანი გამოიყენა, რითაც მალაგელთა გამარჯვებაში ლომის წილი დაიდო.