22 და 23 იანვარს საქართველოს საკალათბურთო თასის გათამაშებამ აიღო სტარტი. მთავარი ტროფეისთვის სუპერლიგაში მონაწილე 11 გუნდთან ერთად, „ა" ლიგის ხუთი კლუბიც იბრძოლებს. გათამაშების დებულების თანახმად, 1/8 ფინალში გუნდები საუკეთესოს ორმატჩიან დაპირისპირებაში გამოავლენენ. მეოთხედფინალისტების ვინაობა კი, იანვრის ბოლომდე გაირკვევა. ფედერაციის ოფიციალური ვებ-გვერდის ცნობით, 1/4 ფინალები მარტში, ნახევარფინალური შეხვედრები კი 9-10 აპრილს გაიმართება. აღსანიშნავია, რომ 1/2 ფინალებში, ე.წ ოთხთა ფინალში გუნდები ფინალური საგზურის მფლობელებს ერთმატჩიან დაპირისპირებაში გამოავლენენ. შესაბამისად, ფინალიც ნახევარფინალში გამარჯვებული გუნდები გავლენ.

მანამდე კი პირველი მერვედფინალური მატჩების შემდეგ 8 გუნდმა, მომდევნო ეტაპისკენ ერთი ნაბიჯი გადადგა. მერვედფინალური მატჩები, ქართველი კალათბურთელის და ეროვნული ნაკრების ყოფილი წევრის რამაზ გოგობერიშვილის ხსოვნისადმი მიძღვნილი წუთიერი დუმილით დაიწყო.

22 იანვარი

„ვერა"-„ქუთაისი" 76-95

ვსა - „ბათუმი" 84-81

„ასტრალი" - გაუ 63-97

„რაში"  - „ივერიონი" 80-94

23 ინავარი

თსსუ - თსუ 80-120

„კავკასია" - „ორბი" 80-76

„სოხუმი-საქართველო" - „გურჯაანი" 61-94

„მარგვეთი" - „რუსთავი" 83-74

საქართველოს თასის გათამაშების საპასუხო მერვედფინალური მატჩები 25, 26 და 27 იანვარს გაიმართება.

ფოტო: კალათბურთის ფედერაცია