ნიონში გოგონათა ასაკობრივი გუნდების წილისყრა გაიმართა
ნიონში გოგონათა ასაკობრივი გუნდების წილისყრა გაიმართა
08.12.2023
ავტორი: სფფ-ს ინფორმაცია

ნიონში, გოგონთა ასაკობრივი გუნდების ევროპის ჩემპიონატის შესარჩევი ეტაპის მეორე რაუნდის წილისყრა გაიმართა.


საქართველოს 17-წლამდე გოგონათა ნაკრები, რომელიც ევროპის ჩემპიონატის ბ ლიგაში ასპარეზობს, მე-3 ჯგუფში მოხვდა. ჩვენი გუნდის მეტოქეები რუმინეთი, ფარერის კუნძულები და ლატვია იქნებიან. მატჩები 17-23 მარტს, ფარერის კუნძულებზე გაიმართება.


19-წლამდე გოგონათა ნაკრების მეტოქეები ბ ლიგის მე-5 ჯგუფში ჩრდილოეთ ირლანდიის, ესტონეთის და ყაზახეთის ასაკობრივი ნაკრებები იქნებიან. შეხვედრები 3-9 აპრილს, საქართველოში გაიმართება.


ორივე ასაკობრივ ჯგუფში, ა ლიგაში ბ ლიგის ჯგუფების გამარჯვებულები და საუკეთესო მეორეადგილოსნები დაწინაურდებიან.