მარიბორში მიმდინარე ევროპის XVII ახალგაზრდული ოლიმპიური ფესტივალის დღევანდელი საასპარეზო დღე წარმატებული გამოდგა ქართული გუნდისთვის. ქართველმა ჯუდოკებმა, ორ წონით კატეგორიაში ოქროს მედლები მოიგეს.

-50 კგ წონით კატეგორიაში, ევროპის ახალგაზრდული ჩემპიონატის გამარჯვებული შოთა ბაჩოშვილი გახდა. საგარეჯოელმა სპორტსმენმა ფინალში, იპონით სძლია ბელგიელ  მეტოქეს.

ოქროს მედალი მოიგო -55 კგ წონით კატეგორიაში მერაბ სამადაშვილიმაც. ფინალური დაპირისპირება თელაველმაც იპონოთ მოიგო. მან იტალიის წარმომადგენელს სძლია.

საერთო ჯამში, დღევანდელ საასპარეზო დღეს, ქართული გუნდის წარმომადგენლებმა სლოვენიაში მიმდინარე ევროპის ახალგაზრდულ ოლიმპიურ ფესტივალზე 6 სახეობაში სცადეს ძალები.

სეოკ-ის ფოტოები