გიორგი შერმადინი „ტენერიფესთან" ერთად საკონტინენტთაშორისო თასზე ასპარეზობს. შეჯიბრებისთვის გუნდები კანარის კუნძულებზე ჩავიდნენ. პირველ ნახევარფინალში „სან პაულუმ" „რიო გრანდე" 90:71 დაამარცხა და ფინალში თამაშის უფლება მოიპოვა. მეორე ნახევარფინალში კი შერმადინის „ტენერიფე" აფრიკის ჩემპიონ ტუნისის „მონასტირს" შეხვდა და დიდი სხვაობით, 112:42 სძლია.

მწვრთნელმა ჩუს ვიდორეტამ გიორგი სასტარტო შემადგენლობაში დააყენა, თუმცა რადგან თავიდანვე მოიპოვა დიდი უპირატესობა, მხოლოდ 11 წუთი ათამაშა. შერმადინმა ამ დროში თავისი საქმე მაინც გააკეთა: 10 ქულა, 3 მოხსნა. მატჩის ბომბარდირი 20 ქულით ლიეტუველი თანაგუნდელი ტიმ აბრამაიტისი გახდა.

ფინალში „ტენერიფე" „სან პაულუს" შეხვდება. მატჩი 12 თებერვალს თბილისის დროით 23:00 საათზე დაიწყება.

ვიდეო-კოლაჟი მატჩიდან