სანაკრებო თამაშები ახლოვდება და ქართული ლეგიონის მიმართაც ინტერესი კიდევ უფრო იზრდება. გასული კვირა, საკმაოდ საინტერესო გამოდგა ქართული ლეგიონისთვის.

იტალიის ჩემპიონატში "ნაპოლიმ" მორიგი გამარჯვება იზეიმა. ნეაპოლელებმა შინ "რომა" დაამარცხეს, აღნიშნულ შეხვედრაში ხვიჩა კვარაცხელიამ საგოლე გადაცემა გააკეთა.

"პანათელიკოსმა" სტუმრად "ვოლოსი" 3-2 დაამარცხა. ლევან შენგელიას ანგარიშზე გოლი და საგოლე გადაცემაა.

"ჰათაისფორმა" შინ მოქმედი ჩემპიონი დაამარცხა. "თრაბზონსფორთან" გამართულ შეხვედრაში საბა ლობჟანიძემ საგოლე გადაცემაგააკეთა.

კვპროსის ჩემპიონატში "დოქსა" და "ანორთოსისი" ერთმანეთს დაუპირისპირდნენ, გიორგი ლორიამ კარი მშრალად შეინახა.

"ბორდომ" გასვლით შეხვედრაში 3 ქულა მოიპოვა, დიჟონთან გამართულ მატჩში ზურიკო დავითაშვილმა საგოლე გადაცემა გააკეთა.