თბილისის ჭადრაკის სასახლეში გაიმართა საქართველოს ჭადრაკის ფედერაციის საანგარიშო - საარჩევნო ყრილობა. გია გიორგაძემ, რომელიც 15 წელი ფედერაციის პრეზიდენტი იყო, ისაუბრა  თავისი მოღვაწეობის განვლილ პერიოდზე. მისი მოღვაწეობა ყრილობის დელეგატებმა წარმატებულად შესაფასეს. მომდევნო 4 წლის განმავლობაში საქართველოს ჭადრაკის ფედერაციას  უხელმძღვანელებს ფიდეს განსაკუთრებულდ დავალებათა დირექტორი აკაკი იაშვილი.

საქართველოს ჭადრაკის ფედერაციის პრეზიდენტი აკაკი იაშვილი  სამომავლო გეგმებზე და ცოტა განვლილზე.

გეგმები

• ჩვენი დევიზია: 'ყველაფერი უმაღლესი შედეგისთვის'. ფედერაციის ყველა ორგანო ამუშავდება მეტი ძალისხმევით იმისათვის რომ შედეგები კიდევ უფრო გაიზარდოს ყველა მიმართულებით. ყველაფერი უნდა გაკეთდეს, რათა 2030 წლამდე დავიბრუნოთ მსოფლიო ჩემპიონის ტიტული ქალთა შორის.
• ვიმუშავებთ ფედერაციის რებრენდიგზე, გავაძლიერებთ ძალისხმევას მარკეტინგის მიმართულებით, ყველაფერს გავაკეთებთ, რომ ჭადრაკი გაუტოლდეს ოლიმპიურ სახეობებს.
• განსაკუთრებული ყურადღება მიექცევა ბავშთა ჭადრაკს  და მწვრთნელთა კვალიფიკაციის ამაღლებას.

ურთიერთობა ფიდესთან,  სიახლეები, ღონისძებები...

• 2023 წელს საქართველოში დაგეგმილია ძალიან მნიშვნელოვანი და საინტერესო ღონისძიებები.
• 5-12 ივნისს, ბათუმში გაიმართება მსოფლიო ჩემპიონატი 8-18 წლამდე ასაკის მოჭადრაკეთა შორის სწრაფ და ელვისებურ ჭადრაკში.
• 2-9 სექტემბერს საქართველოში ასევე გაიმართება მსოფლიო ჩემპიონატი საჭადრაკო კომპოზიციაში, რომელიც მიეძღვენება კომპოზიციების შედგენაში მსოფლიოს ორგზის ჩემპიონის დავით გურგენიძის 70 წლის იუბილეს. 

წარმატებით, ჩატარებული საერთაშორისო პროექტები - ღონისძიებები და მომავლის გეგმები

• 2006 წლიდან საქართველოში ჩავატარეთ 4 ევროპის ჩემპიონატი(2 ქალთა, ვაჟთა და გუნდური)  და 4 ახალგაზრდული ევროპის ჩემპიონატი 8-18 წლამდე ასაკის მოჭადრაკეთა შორის.
• ფიდეს სამი მსოფლიო ჩემპიონატი ახალგაზრდებს შორის, 5 მსოფლიო გრან პრის გათამაშება, მსოფლიოს თასი ვაჟთა შორის, მონაწილეობდა მსოფლიო საჭადრაკო ოლიმპიადის
• 2018 წლიდან ფიდეს ვიცე-პრეზიდენტის რანგში ზედამხედველობას ვუწევდი ფიდეს შშმ კომისიას.
• კომისიის ეგიდით ჩავატარეთ: საკონტინენტთაშორისო გუნდური ჩემპიონატი, პირადი, გუნდური და  20 წლამდე მსოფლიო ჩემპიონატი. პანდემიის დროსაც კი ჩავატარეთ ონლაინ ახალგზრდული ჩემპიონატი  და ონლაინ მსოფლიო საჭადრაკო ოლიმპიადა.
• ასევე ფიდეს ვიცე-პრეზიდენტის რანგში პირველად ისტორიაში ჩავატრეთ ონლაინ მსოფლიო ჩემპიონატი 8-18 წლამდე ასაკის მოჭადრაკეთა შორის, მსოფლიო გრან-პრის 2 სერია, მსოფლიოს სუპერ თასი.
• 2023 წლის 29 იანვრიდან - 6 თებერვლამდე ბელგრადში (სერბეთი) ჩატარდება ოლიმპიადა შშმ პირთა შორის, სადაც მონაწილეობას მიიღებს 30 ქვეყნის საუკეთესო გუნდები.
• ამჟამად,  მსოფლიო საჭადრაკო ღონისძიების კომისიის ეგიდთ  გამოვაცხადეთ კონკურსი 2023-2024 წლების ღონისძებების ჩატარებაზე

სპონსორის მოძიება ფედერაციისთვის - კომპანია 'სოკარი ენერჯი ჯორჯია' განიხილავს შესაძლებლობას, რომ დაბრუნდეს საქართველოს ჭადრაკის ფედერაციის სპონსორად. ასევე მიმდინარეობს მუშაობა სხვა სპონსორების მოძიებაზეც.

ახალგაზრდობა თაობაზე ზრუნვა

• სამწუხაროდ, საჭადრაკო სფეროც ძალიან დააზიანა მთელ ქვეყანაში მიმდინარე  ე.წ 'ტვინების გადინებამ". შეიქმნა კვალიფიციური კადრების დეფიციტი. ჩვენი ამოცანაა ახალგაზარდა მწვრთნელების გადამზადება, რათა მათ უპასუხონ თანამედროვე გამოწვევებს.
• კარგად მუშაობს ბოლო წლებში დანერგილი მწვრთნელთა წახალისების სისტემა, რაც გულისხმობს, რომ მწვრთნელები მოსწაველეების მიერ ნაჩვენები შედეგებით დაწერილი ქულათა ჯამის მიხედვით ღებულობენ ხელფასს მთელი წლის განმავლობაში.

პროექტი 'ჭადრაკი სკოლაში'

• საქართველოს განათლების და მეცნიერების სამინისტროს 2022 წლის 18 მაისის N60/ნ ბრძანებით ზოგადი განათლების დაწყებითი საფეხურის პირველ კლასში სავალდებულო საგნად ჭადრაკი დაემატა.
• უმოკლეს დროში მომზადდა ჭადრაკის სწავლების სტანდარტი, საქართველოს ჭადრაკის ფედერაციამ შეარჩია  და ტრენინგის ჩასატარებლად გადაამზადა  20-მდე ჭადრაკის სპეციალისტი, მათ შორის: საერთაშორისო დიდოსტატები, საერთაშორისო ოსტატები, საქართველოს დამსახურებული მწვრთნელები და სხვადასხვა კატეგორიის ლიცენზირებული მწვრთნელები.
• განათლების და მეცნიერების სამინისტროს და მასწავლებელთა პროფესიული განვითარების ეროვნული ცენტრის ხელშეწყობით 1-ლი ივნისიდან - 12 სექტემბრის ჩათვლით საქართველოს ყველა რეგიონის საჯარო და კერძო სკოლებიდან ჭადრაკის ტრენინგზე მოწვეული იყო 4200-ზე მეტი პედაგოგი. ტრენინგი წარმატებით გაიარა 3000-მდე პედაგოგმა, რომლებიც უკვე ასწავლიან ჭადრაკს პირველკლასელებს. ვიწყებთ მე-2 კლასში ჭადრაკის სწავლების პროგრამის მომზადებას.

მასობრივი ჭადრაკი

• დაგეგმილია საქართელოს ჩემპიონატების ჩატარება სხვადასხვა სარეიტინგო კატეგორიებში, სადაც მონაწილეობის მიღება შეეძლება ნებისმიერ მსურველს.
• ჭადრაკის სასახლეში სისტემატიური სახე ექნება სარეიტინგო და ელვისებურ  ტურნირებს ჭადრაკში.
• გაიმართება ტურნირები საერთაშორისო ოსტატის და დიდოსტატის ნორმატივის შესასრულებლად, რაც ესოდენ აუცილებელია ჩვენი მოზარდების პროფესიული ზრდისთვის.
• პანდემიის გამო დროებით შეწყვეტილი სენიორთა ჩემპიონატებიც განახლდება იანვრიდან. ასევე გაიმართება ჩემპიონატები შეზღუდული შესაძლებლობის მქონე პირთა შორის.
• და ბოლოს, წარმატება მინდა ვუსურვო ქართველ მოჭადრაკეებს, რომლებიც უახლოეს დღეებში ყაზახეთში მიიღებენ მონაწილეობას მსოფლიო ჩემპიონატში სწრაფ და ელვისებურ ჭადრაკში.