9 ნოემბერს საქართველოს ეროვნული ნაკრები შეკრებას თბილისში დაიწყებს. რამაზ სვანაძის განაცხადში მცირე სიახლეებია (იხილეთ ბმული), თუმცა, ყველა იმ ფეხბურთელის თამაში და ფორმაში ყოფნა, რომელიც გუნდის გაფართოებულ შემადგენლობაშია, ქართველო ქომაგისთვის მნიშვნელოვანია.

ევროტურნირების პარალელურად, იტალიის სერია A-ში მე-11 ტურის მატჩი გაიმართა. „ვენეციამ" საშინაო შეხვედრაში გიორგი ჩაკვეტაძის „უდინეზე" 2-1 დაამარცხა. თავიდანვე ვთქვათ, რომ ამ შეხვედრაში, სამივე გოლი მასპინძლებმა გაიტანეს, ორი „უდინეზეს" კარში, ერთიც საკუთარში. რაც შეეხება „ჩაკვე", სანაკრებო თამაშების წინ ბუნებრივია, ჩვენ ქართველი ფეხბურთელის სათამაშო ფორმა, ყველაზე მეტად გვაღელვებს. აღნიშნულ შეხვედრაში სათადარიგო სკამიდან დაიწყო და მოედანზე 64-ე წუთზე შემოვიდა. თუმცა, ახლა სათამაშო დროსთან ერთად, მნიშვნელოვანი იყო, რომ 9 ნოემბერს, როდესაც სანაკრებო შეკრება დაიწყება, გიორგი ჩაკვეტაძე გუნდს, ჯანმრთელი და ტრავმების გარეშე შეუერთდეს. რაც შეეხება „უდინეზეს" 11 ტურის შემდეგ, გუნდი ბოლო ადგილზეა.

პოლონეთის ექსტრაკლასას მე-14 ტურში ოთარ კაკაბაძის „კრაკოვია", კრაკოვის „ვისლასთან" 2-1 დამარცხდა. ამ შეხვედრაში ყველა გოლი პირველ ტაიმში გავიდა. ანგარიში მე-9 წუთზე მასპინძლებმა გახსნეს. მე-20 წუთზე კი, მათ კარში პენალტი დაინიშნა, რომელიც ჰასიჩიმ გააცუდა, თუმცა, შეცდომა თავადვე გამოასწორა და დამატებაზე ანგარიშის გათანაბრება მოახერხა. პირველი ტაიმისთვის დამატებულ დროში კი, მასპინძლებმა მოახერხეს გამარჯვების გოლის გატანა. „კაკაბა", რომელიც კაპიტნის სამკლაურით იყო მოედანზე, სრული შეხვედრა ჩაატარა და საკმაოდ კარგი შეფასებაც დაიმსახურა. მისი გუნდი კი, 14 ტურის შემდეგ, 24 ქულით, მე-5 ადგილზეა.

საფრანგეთის ლიგა 2-ის მე-12 ტურში გასვლითი შეხვედრა მოიგო გიგი აბუაშვილის „მეცმა". ქართველის გუნდმა გასვლაზე „მონპელიე" 2-3 დაამარცხა. თუმცა, ქართველი ამ დღეს სამატჩო განაცხადში არ ყოფილა. „მეცი" 12 ტურის შემდეგ, 17 ქულით, მე-7 ადგილზეა.

დღე, 7 ნოემბერის თამაშებით გაგრძელდა. ქართული ლეგიონის მხრივ, ყველაზე წარმომადგენლობით ესპანურ ლა ლიგაში დღეს, ქართველების გუნდებმა ითამაშეს. თბილისში, სანაკრებო შეკრებაზე გამომგზავრებამდე, გიორგი ქოჩორაშვილის „სევილიამ" ფრედ, 0-0 ითამაშა „ალავესთან". ქართველი განაცხადში იყო, თუმცა, არ უთამაშია. მისი გუნდი, 12 ტურის შემდეგ, 18 ქულით მე-6 ადგილზეა.

გასვლით შეხვედრაში, „მალაგასთან" მოიგო, გიორგი გულიაშვილის სანტანდერის „რასინგმა". ანგარიში, 28-ე წუთზე მასპინძლებმა გახსნეს და პირველი ტაიმიც მოიგეს. თუმცა, მეორე ტაიმში, „რასინგმა" ორი გოლის გატანა მოახერხა. ამას, დაემატა ისიც, რომ სტუმართა გუნდი უმრავლესობაში დარჩა. გიორგი, რომელიც სათადარიგო შემადგენლობაში იყო, მოედანზე სწორედ, ყველა ამ მოვლენის შემდეგ გამოჩნდა, 73-ე წუთზე. „რასინგი" 14 ქულით მე-9 ადგილზეა.

იტალიის სერია A-ში მე-11 ტურის შეხვედრაში გასვლაზე, 0-1 დამარცხდა გიორგი კვერნაძის „ფროზინონე". „კალიარისთან" შეხვედრაში ქართველმა ძირითადი შემადგენლობიდან დაიწყო, თუმცა, 65-ე წუთზე შეცვალეს. „ფროზინონე" ტურის დასრულებამდე 20 ქულით, მე-6 ადგილზეა.

საფრანგეთის ლიგა 2-ში ზურიკო დავითაშვილის „სენტ ეტიენმა" საშინაო შეხვედრაში 2-0 დაამარცხა „ლავალი". ქართველოს გუნდელებმა გოლები პირველი ტაიმის ბოლოს და საწყის წუთებზე გაიტანეს. რაც შეეხება ზურიკოს, მან სათადარიგო შემადგენლობიდან დაიწყო და მოედანზე 71-ე წუთზე შემოვიდა. ქართველოს გუნდი 28 ქულით პირველ ადგილზეა.

ესპანურ ლა ლიგა 2-ში ტრავმის შემდეგ „კადიზს" გიორგი გოჩოლეიშვილი, რომელმაც საშინაო შეხვედრა „რეალ ოვიედოსთან" სასტარტო შემადგენლობიდან დაიწყო. ის 72-ე წუთზე შეცვალეს.  მისმა გუნდმა მე-13 ტურის შეხვედრა 1-2 წააგო. გოლები კი, სტუმრებმა ამ შეხვედრაში პირველ ტაიმში გაიტანეს. გოჩოლეიშვილის გუნდელებმა მატჩის მიწურულს ერთი ბურთი გაქვითეს, თუმცა, თამაშის გადარჩენა ვეღარ მოახერხეს. „კადიზი" 10 ქულით ცხრილში ბოლოდან მესამე, მე-20 ადგილზეა.

გერმანიის მეორე ბუნდესლიგაში გიორგი ქვილითაიას „ჰოლშტაინ კილი" საშინაო შეხვედრაში 1-2 დამარცხდა „არმინია ბილეფელდისთან". საკმაოდ დრამატულ შეხვედრაში, ანგარიში სტუმართა ავტოგოლით გაიხსნა. მალევე, VAR-მა მასპინძლების გოლი გააუქმა. მეორე ტაიმში, სტუმრებმა 11-მეტრიანი გააცუდეს. მასპინძლებმა კი, 77-ე წუთზე ანგარიშის გათანაბრება მოახერხეს. ამ დროს მოედანზე უკვე შემოსული იყო გიორგი ქვილითაია. თუმცა, მისმა გუნდმა ვერ მოახერხა თუნდაც ქულის შენარჩუნება და მე-80 წუთზე გაშვებული გოლით დამარცხდა. „ჰოლშტაინ კილი", ცხრილის ბოლო საფეხურზეა.

თურქეთის სუპერლიგის მე-11 ტურში, ლუკა გუგეშაშვილის „გიოზთეფემ" საბა ხარებაშვილის „ბაშაქშეჰირს" უმასპინძლა, თუმცა, მატჩში არც ერთ ქართველს მონაწილეობა არ მიუღია. ლუკას, კლუბთან შექმნილი პრობლემების გამო, საბას კი, მცირე დაზიანებისა, რომელიც ფეხბურთელმა ორი დღის წინ ვარჯიშზე მიიღო. ამავე მიზეზით ხარებაშვილი, ვერ უერთდება საქართველოს 19-წლამდეთა ნაკრებს მნიშვნელოვან შეხვედრებზე, რომლებისთვისაც ეროვნული ნაკრები ნოემბრის თამაშებში ფეხბურთელს „შეელია". სტამბოლურმა გუნდმა კი მოიგო 1-2 და 17 ქულით მე-7 ადგილზეა, თუმცა, ეს „ბაშაქშეჰირს" ტურის დასრულებამდე სულაც არ აძლევს გარანტიას, რომ გუნდი სანაკრებო შესვენების დროს, ამ ადგილს შეინარჩუნებს. რაც შეეხება „გიოზთეფეს", ის 15 ქულით, ამ მომენტისთვის მე-10 ადგილზეა.

წარუმატებელი სერია გრძელდება ირაკლი ეგოიანის „ექსელსიორისთვის". საქართველოს ეროვნული ნაკრების ფეხბურთელის გუნდმა 0-1 წააგო „იგლზისთან". ირაკლიმ სასტარტო შემადგენლობიდან დაიწყო, სრული შეხვედრა ჩაატარა და საკმაოდ მაღალი შეფასებაც დაიმსახურა. თუმცა, ეს მის გუნდს ვერ დაეხმარა. „ექსელსიორი" 11 ქულით მე-15 ადგილზეა და ძალიან ახლოს არის გასავარდნ ზონასთან.

აშშ-ს MLS-ში ანრი მექვაბიშვილის „ჩიკაგო ფაიერი" დაძაბულ და უხვგოლიან შეხვედრაში 3-4 დამარცხდა „კოლუმბუს ქრიუსთან". მიუხედავად იმისა, რომ ანგარიში სწრაფი გოლით რობერტ ლევანდოვსკიმ გახსნა და მოგვიანებით, კიდევ ერთხელ დააწინაურა, პირველი ტაიმით „ჩიკაო ფაიერმა" მოიგო, საბოლოოდ, მსაჯის მიერ კომპენსირებულ დროში სტუმრებმა მოიგეს. რაც შეეხება „მექვაბას" მან სათადარიგო შემადგენლობიდან დაიწყო და მოედანზე მეორე ტაიმში შევიდა. 34 ტურის შემდეგ, ქართველოს გუნდი 55 ქულით, მე-4 ადგილზეა.

ბულგარეთის პირველი ლიგის მე-13 ტურში ლაშა დვალის სოფიის „ცსკა 1948"-მ ფრედ, 2-2 ითამაშა გასვლითი შეხვედრა „ლუდოგორეცთან". ქართველმა სასტარტო შემადგენლობიდან დაიწყო თუმცა, ის, 59-ე წუთზე შეცვალეს. ამ ეტაპზე უცნობია, ეს შეცვლა ტაქტიკური ხასიათის იყო, თუ დვალი ტრავმირებულია. მისი გუნდი ამ ეტაპზე 29 ქულით მე-4 ადგილზეა.

19 ქულით მე-5 ადგილზეა დავით ვოლკოვისა და გიორგი პაპუნაშვილის „ზირა", რომელმაც აზერბაიჯანის პრემიერ ლიგის მე-11 ტურში 2-1 დაამარცხა „გაბალა". ანგარიში მე-11 წუთზე დავით ვოლკოვმა გახსნა - ეს სანაკრებო შესვენებამდე, ბოლო ტურში, ქართველი ლეგიონერის მიერ, ჯერ-ჯერობით ერთადერთი გატანილი გოლია.

ხვალ, ქართული ლეგიონის კიდევ ერთი ნაწილი ითამაშებს, ორშაბათიდან კი, ისინი სანაკრებო შეკრებაზე თბილისში ჩამოვლენ.