პსჟ-მ 2025 წელს მეოთხე ტიტული მოიგო. კალენდარულ წელში ლუის ენრიკეს გუნდის ევროპული პოკერში (საფრანგეთის ლიგა 1, საფრანგეთის თასი, უეფა-ს ჩემპიონთა ლიგა, უეფა-ს სუპერთასი), „კვარას" წვლილიც არის, მიუხედავად იმისა, რომ დღეს ქართველმა მოედანზე მხოლოდ 60 წუთი დაჰყო. ამ დროის მანძილზე მისი გუნდი 0-2-ს აგებდა. სხვათა შორის, ქართველს, სეზონის სტარტის კვალობაზე და მოედანზე გატარებული დროიდან გამომდინარე, მოდით, მე-8 წუთზე კარში დარტყმის მცდელობა და შემდეგ, პირველი ტაიმის ბოლოსკენ, დემბელესთვის გაკეთებული გადაცემა, აქტივში ჩავუთვალოთ. რაც არ უნდა იყოს, ქართველებს, სტარტის აღება გენეტიკურად გვიჭირს და გვჯერა, ხვიჩა კვარაცხელიაც, მალე „დალაგდება".

მატჩის წინა დღეს, ლუის ენრიკემ მედიასთან შეხვედრისას რამდენჯერმე ხაზგასმით აღნიშნა, რომ მისი გუნდი, მოსამზადებელი პერიოდის სიმცირის გამო სუპერ თასის ფინალს ჩვეულ ფორმაში არ ხვდებოდა. ეს გარემოება, თამაშზეც რეალურად აისახა - ფრანგული კლუბი 84-ე წუთამდე, ვან დე ვენისა (39') და რომეროს (48') გოლების წყალობით აგებდა. ლონდონის ერთ ნაწილში კი, უკვე ზეიმიც, ჰქონდათ დაწყებული, როდესაც შეცვლაზე შემოსულმა ლიმ, ერთი გოლი გაქვითა. დამატებულ დროში კი, რამოსმა ანგარიში გაათანაბრა და მატჩის ძირითადი დროც ფრედ, 2-2 დასრულდა.

ტურნირის ფორმატიდან გამომდინარე დაინიშნა 11-მეტრიანები, რომელშიც ზუსტნი პარიზელები აღმოჩნდნენ და საბოლოოდ, 4-3 გაიმარჯვეს.

„ტოტენჰემმა" დიდებული მატჩი ჩაატარა. ისინი ჩვენზე უკეთ გამოიყურებოდნენ. მიჭირს თქმა, რამდენად გამართლებულია ეს შედეგი, მაგრამ ეს ფეხბურთია. ჩვენ ჯერ კიდევ უნდა მოვუმატოთ. ჩვენ გვქონდა ბოლომდე ბრძოლის უნარი, მაგრამ კიდევ მოსამატებელი გვაქვს. ლუკას შევალიე კარგად გამოიყურებოდა და მის გამო მიხარია. თუ მკითხავთ, რა იყო გასულ სეზონში ჩვენში განსაკუთრებული, ვიტყვი, რომ ეს იყო რწმენა. ჩვენ გვჯერა, რომ გამარჯვებას ყოველთვის მოვახერხებთ. თამაში, რომელიც ჩემმა ფეხბურთელებმა აჩვენეს მეორე ტაიმში, მომეწონა და მიხარია შედეგი",  - ამბობს ლუის ენრიკე მატჩის დასრულების შემდეგ.

სხვათა შორის, რადგან სიტყვამ ლუკას შევალიე მოიტანა უნდა აღნიშნოთ, რომ პსჟ-ს ახალი მეკარის ანგარიშზე მოგერიებული პენალტის გარდა, ერთხელ „100 %" იანი გოლიდან იხსნა კარი, თუმცა მატჩის საუკეთესო ფეხბურთელად დემბელე დაასახელეს.

„წარმოუდგენელი გრძნობაა, მოიგო ევროპის კიდევ ერთი საკლუბო ტროფეი. მას შემდეგ, რაც 31 მაისს ჩემპიონთა ლიგა მოვიგეთ, დღეს სუპერ თასის მოგებაც მოვახერხეთ. სეზონი დაიწყო ტროფეით საამაყოა. ახლა უნდა ახალი თასების დაგროვება დავიწყოთ", - ამბობს დემბელე უეფა-სთან ფლეშ-ინტერვიში.

საინტერესო დეტალი, სუპერთასი რომელიც წელს 50-ედ გათამაშდა პსჟ-მ დაბადების დღიდან 55 წლის საიუბილეო თარიღის მომდევნო დღეს მოიგო და ამრიგად, შესანიშნავი საჩუქარიც ჩაიბარა. ამას გარდა გახდა აღნიშნული ტროფეის 26-ე გამარჯვებული.

საინტერესოა ისიც რომ პსჟ-მ უეფა-ს ეგიდით იტალიაში გამართული 13 მატჩიდან, მესამედ გაიმარჯვა.

ლუის ენრიკეს გაწვრთნილი გუნდი გახდა, პირველი ფრანგული კლუბი, რომელმაც ტიტული გუნდის წევრი 13 სხვადასხვა ეროვნების ფეხბურთელების შემადგენლობით მოიგო.

პსჟ-სა და „ტოტენჰემს" შორის 13 აგვისტოს უდინეში გამართული სუპერ თასის ფინალი, ამ გუნდებს შორის, პირველი ოფიციალური დაპირისპირება იყო.

სპურმა გაუშვა მშვენიერი შანსი ხელიდან, გამხდარიყო  მეშვიდე ინგლისური კლუბი, რომელიც სუპერ თასს მოიგებდა. სხვა არც ერთი ქვეყნას მსგავსი შედეგი არ ჰქონია.

და ბოლოს უეფა-ს სუპერ თასი, 2018 წლის შემდეგ, როდესაც მადრიდის „ატლეტიკომ" მოახერხა სუპერ თასის მოგება, ეს ტროფეი უეფა-ს ევროპა ლიგის გამარჯვებულს არ მოუგია.

ფოტო: (c) UEFA