დღეს საქართველოს საფეხბურთო ჩემპიონატის პირველი ტურის გადადებული შეხვედრები გაიმართა. გემახსოვრებათ, დიდთოვლობის გამო, პირველი ტურის სამი თამაში, ბათუმში, წყალტუბოსა და გორში გადაიდო. დღეს, სწორედ ეს თამაშები  გაიმართა.

ბათუმში, „აჭარებთ არენაზე", „დინამოების" დერბიში ბათუმისა და თბილისის „დინამოები" დაუპირისპირდნენ ერთმანეთს. აღნიშნულ ტურამდე ორივე გუნდს, იდენტური ქულები ჰქონდა და თბილისის „იბერია 1999"-ის შემდეგ, მეორე-მესამე ადგილებს ინაწილებდნენ. თუმცა, დღევანდელ დაპირისპირებაში, ბათუმელთა გამარჯვების შემდეგ, აჭარულმა გუნდმა დაწინაურება და სატურნირო ცხრილის მეორე ადგილზე დამკვიდრება მოახერხა. რაც შეეხება დღევანდელ შეხვედრას, ეს ის გამონაკლისი იყო, როდესაც ანგარიში არ ასახავდა რეალობას. თბილისელებმა მთელი თამაშის გაკონტროლება მოახერხეს, თუ არ ჩავთვლით იმ სამ გამონაკლისს - მასპინძელთა კონტრშეტევებს. აქ თანმიმდევრობას დავარღვევთ და ვიტყვით, რომ ერთ მომენტში თბილისელთა მეკარემ მიშო მაქაცარიამ მოიგერია ბურთი, მეორე შემთხვევაში ახალგაზრდა მცველმა გიორგი გვასალიამ ააცალა გოლი ბათუმელებს. მესამე კი, ის მომენტი იყო, როდესაც თბილისელთა მცველებს, ლუკა წულუკიძის იდეალური გადაცემის შემდეგ, ჯალენ ბლესა გაეპარათ და გოლი გაიტანა. ამ შეხვედრაში ერთდერთი გოლი 24-ე წუთზე გავიდა, 1-0. თუმცა, თბილისელებს ჰქონდათ რამდენიმე საგოლე მომენტი, ორ მომენტში ცარიელი კარისკენ მიმავალ ბურთს, ლუკა ქაფიანიძე, სხვათა შორის, „დინამო თბილისის" აკადემიის აღზრდილი გადაეფარა. მატჩის საუკეთესოც, ჩვენი აზრით სწორედ ქაფიანიძე იყო. თბილისელებს შეეძლოთ თამაშის შემოტრიალება, თუნდაც, რიცხობრივი უპირატესობის მხრივაც, დაახლოებით 68-ე წუთიდან, გიორგი ჭიაბრიშვილის გუნდს, რომელსაც ყველა ცვლილება გაკეთებული ჰქონდა, ჯერ ტრავმირებული ფეხბურთელი მუტირ შაჟია გამოაკლდა, შემდეგ კი, ორი ყვითელის გამო, მოჰამედ ფოფანა გააძევეს მოედნიდან. თუმცა, ეროვნული ლიგის ყველაზე ახალგაზრდულ გუნდს, აქ, სწორედ ის გამოცდილება დააკლდა, რომელსაც თბილისური კლუბის გამოცდილი ფეხბურთელების ჯაბა კანკავას, მათე ვაწაძისა და ვაკო გვილიას გვერდით, ახალგაზრდა დინამოელები აუცილებლად ისწავლიან. დღევანდელი თამაში კი, საკმაოდ საინტერსო და სანახაობრივი გამოვიდა.

პირველი გამარჯვება მოიპოვა მიმდინარე ჩემპიონატში ფოთის „კოლხეთი 1913"-მა, რომელმაც, გიორგი აბუაშვილის („დინამო თბილისის" აკადემიის აღზრდილი) გოლით, წყალტუბოს სფფ-ის საფეხბურთო ცენტრში, ადგილობრივი „სამგურალი" მინიმალური ანგარიშით, 0-1 დაამარცხა.

გორში, თენგიზ ბურჯანაძის სტადიონზე, „დილამ" მორიგი გამარჯვება იზეიმა. პირველი ტურის გადადებულ და დღეს გამართულ შეხვედრაში, გორელებმა, „გარეჯი"  2-1 დაამარცხა. მასპინძელთაგან, გოლები აბუბაქარ კონტემ და შოთა შეყილაძემ გაიტანეს. მსაჯის მიერ კომპენსირებული დროის მე-5 წუთზე, პრესტიჟის გოლი, თორნიკე ძებნიაურმა გაიტანა.

ეროვნული ლიგის მორიგი ტური 5 და 6 აპრილს გაიტანა.

სატურნირო ცხრილი

სარედაქციო შენიშვნის სახით - გამომდინარე იქიდან, რომ წელს "დინამო თბილისის" 100 წლის იუბილეა, ჩვენმა გვერდმა გადაწყვიტა, "დინამო თბილისის" აკადემიის აღზდრილი და ეროვნული ლიგის სხვა კლუბებში მოთამაშე ფეხბურთელებზე, სტატიებში გააკეთოს მინიშნებები.

ფოტო: "დინამო თბილისი" / ლაშა კუპრაშვილი