დიუსელდორფი, 22-24 თებერვალს, ძიუდოს მორიგ გრანდ-სლემს უმასპინძლებს. ამ დროის მონაცემებით, ტურნირზე 97 ქვეყნის 683 სპორტსმენია დარეგისტრირებული. მათ შორისაა საქართველოს ვაჟ ძიუდოისტთა ნაკრები, რომელიც პარიზის გრანდ-სლემისგან განსხვავებით, უკვე თითო წონაში ორ-ორი ძიუდოისტითაა წარმოდგენილი. სამწუხაროდ, არც ამ ტურნირზე იასპარეზებს საქართველოს ქალ ძიუდოისტთა ნაკრები. დიდი ალბათობით, მათ მარტის ბოლოს, თბილისის გრან-პრიზე ვიხილავთ.
საქართველოს ვაჟ ძიუდოისტთა ნაკრები დიუსელდორფის გრანდ-სლემზე ასეთი შემადგენლობითაა დარეგისტრირებული:
60 კგ - ჯაბა პაპინაშვილი, ლუხუმ ჩხვიმიანი
66 კგ - ვაჟა მარგველაშვილი, გიორგი გუგულაშვილი
73 კგ - ლაშა შავდათუაშვილი, ფრიდონ გიგანი
81 კგ - გიორგი კაციაშვილი, ბექა დონღვანი
90 კგ - ავთანდილ ჭრიკიშვილი, გიორგი პაპუნაშვილი
-100 კგ - ვარლამ ლიპარტელიანი, ლაშა ტაველური
+100 კგ - ლევან მატიაშვილი, ონისე ბუღაძე
მასალა მოამზადა ეკა ელოშვილმა