საქართველოს დავით ყიფიანის თასის 2019 წლის გათამაშების 1/8 ფინალში კრისტალბეთ ეროვნული ლიგის 10-დან, მხოლოდ 6 გუნდი აგრძელებს ასპარეზობას. 16 და 17 აპრილს გამართული 1/16 ფინალების შემდეგ თასის გათამაშებაში ძლიერთა ლიგიდან სამივე თბილისურმა კლუბმა - „ლოკომოტივმა", „საბურთალომ", „დინამო თბილისმა", ასევე „რუსთავმა", „სიონმა" და დ. ყიფიანის თასის მოქმედმა გამარჯვებულმა - ქუთაისის „ტორპედომ" შეხვედრების მოგება და მომდევნო ეტაპზე თამაშის უფლება მოიპოვეს. აღსანიშნავია, რომ თასის გათამაშების 1/16 ფინალში „ლოკომოტივმა" მინიმალური ანგარიშით 1-0 საჩხერის „ჩიხურას" დამარცხება მოახერხა, რაც იმას ნიშნავს, რომ თუკი, სოსო ფრუიძის შეგირდებს, 2019-2020 წლების სეზონზე ევროტურნირებში თამაში სურთ, ისინი საჩემპიონო ბრძოლაში, ახლა გაათმაგებულად მობილიზებულად იასპარეზებენ.
1/16 ფინალის ორ წყვილში, კრისტალბეთ ეროვნული ლიგის გუნდი „გადაეყარა" ერთმანეთს. „საბურთალომ", მინიმალური ანგარიშით 1-0 დაამარცხა ბათუმის „დინამო". აღსანიშნავია, რომ მას შემდეგ, რაც ბათუმელები, ერთწლიანი ტაიმ-აუტიდან ძლიერთა შორის დაბრუნდნენ, გია ჭიაბრიშვილის გუნდთან უკვე მეორედ, ამჯერად, სათასო შეხვედრაში მარცხდებიან.
დავით ყოფიანის თასის 2019 წლის გათამაშების 1/16 ფინალში „პოკერი" დაფიქსირდა. მისი ავტორი, „დინამო თბილისის" ფეხბურთელი ლევან შენგელიაა. დინამოელმა 4 გოლი „ეგრისს" გაუტანა.
დავით ყიფიანის თასის 1/8 ფინალის წილისყრა, უახლოეს დღეებში გაიმართება.
დავით ყიფიანის სახელობის საქართველოს თასის 1/16 ფინალის შედეგები:
სამშაბათი, 16 აპრილი
„საბურთალო" - „დინამო ბათუმი" 1 - 0
„იბერია 2010" - „მერანი" 0 - 2
„ლეგიონი" - „თბილისი სითი" 1 - 2
„შევარდენი 1906" - „სიონი" 1 - 2
„ეგრისი" - „დინამო თბილისი" 1-4
„სამტრედია" - „დილა" 3 - 2
„გარეჯი" - „ჭიათურა" 2 - 0
ოთხშაბათი, 17 აპრილი
„ლოკომოტივი" - „ჩიხურა" 1 - 0
„სპაერი" - „კოლხეთი 1913" 5 - 1
„ზესტაფონი" - "მერანი" 0 - 2
„თელავი" - „ვიტ ჯორჯია" 3 - 0
„ზუგდიდი" - „ცხინვალი" 3 - 2
„ბეთლემი" - „გურია" 1 - 2
„ბორჯომი" - „ტორპედო" 1-4
„გაგრა" - „შუქურა" 2 - 0
„დინამო 2 ბათუმი" - „რუსთავი" 0 - 2