ამ მომენტისთვის მაკფადენს ხმების 56, შერმადინს კი 29 პროცენტი აქვს მოგროვებული
ამ მომენტისთვის მაკფადენს ხმების 56, შერმადინს კი 29 პროცენტი აქვს მოგროვებული
26.02.2020
ავტორი: კალათბურთის ფედერაციის ინფორმაცია

საქართველოს კალათბურთელთა ნაკრებმა სერბეთი ბელგრადში 94:90 დაამარცხა. ამ შეხვედრას ფიბა-ს ოფიციალურ საიტზეც დიდი ყურადღება დაეთმო, ხოლო მეორე ტურის სიმბოლური ნაკრების შედგენისას ჩვენი ნაკრების ორი კალათბურთელი აღიარეს - თად მაკფადენი მსროლელის პოზიციაზე დააყენეს, გიორგი შერმადინი - ცენტრის.

 

ბელგრადში შერმადინმა 14-დან 9 ორქულიანი, 6-დან 5 საჯარიმო ჩააგდო, 23 ქულა და 11 მოხსნა მოაგროვა. მარგი ქმედების კოეფიციენტი 29-ს გაუტოლდა. რაც შეეხება მაკფადენს, მისი მონაგარი გახლდათ 33 ქულა, 7 პასი და 31 სარგებლიანობის ინდექსი. ჩვენი ნოთამაშეების გვერდით სიმბოლურ ნაკრებში მოხვდნენ ბელგიელი ჯონათან ტაბუ, რუსი ვიტალი ფრიძონი და ლიეტუველი ეიმანტას ბენზიუსი.

 

ამ ხუთეულიდან მიმდინარეობს გამოკითხვა ტურის საუკეთესო მოთამაშის გამოსავლენად, რომელშიც თად მაკფადენი დამაჯერებლად ლიდერობს, ხოლო მეორეზე მყარად გიორგი შერმადინია. გთხოვთ, იაქტიუროთ და დააფიქსიროთ თქვენი პოზიცია ჩვენი ნაკრების წევრთა სასარგებლოდ:

 

ხმის მისაცემად გადადით ბმულზე:  

https://www.fiba.basketball/eurobasket/2021/qualifiers/news/team-of-gameday-2-tabu-mcfadden-fridzon-bendzius-and-shermadini